ଅନୁଗୋଳ: ହସ୍ପିଟାଲରୁ ଦଲାଲ ଗିରଫକୁ ନେଇ ପ୍ରତିବାଦ। ଅନୁଗୋଳ ଜିଲ୍ଲା ମୁଖ୍ୟ ଚିକିତ୍ସାଳୟରୁ ଗତ 27 ତାରିଖ ଦିନ ପୋଲିସ ସାମାଜିକ କର୍ମୀ ପର୍ଶୁରାମ ଦାସ ଓ ବ୍ରହ୍ମଜ୍ୟୋତି ମିଶ୍ରଙ୍କ ସହିତ ଅନ୍ୟ 2 ଜଣଙ୍କୁ ଗିରଫ କରିଥିଲା । ଯାହାର ପ୍ରତିବାଦ ସୋମବାର ଦେଖିବାକୁ ମିଳିଛି ଅନୁଗୋଳରେ ।
ସୂଚନା ଅନୁୟାୟୀ, ଅନେକ ସମୟରେ ଅନୁଗୋଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସମାଜସେବୀ ପର୍ଶୁରାମ ଦାସ ଓ ବ୍ରହ୍ମଜ୍ୟୋତି ମିଶ୍ର ଆହତ ଓ ଗରିବ ଲୋକଙ୍କ ସେବା କରିବାକୁ ଆସିଥାନ୍ତି। ହେଲେ ଗତ 27 ତାରିଖରେ ପୋଲିସ ଉଦ୍ଦେଶ୍ୟ ମୂଳକ ଭାବେ ସେମାନଙ୍କୁ ଗିରଫ କରିଛି ବୋଲି ବିକ୍ଷୋଭକାରୀଙ୍କ ପକ୍ଷରୁ କୁହାଯାଇଛି ।
ଭିଡିଓ ସୌଜନ୍ୟ:ସମ୍ବାଦଦାତା, ଅନୁଗୋଳ