ଅନୁଗୋଳ: ଶୈଳ ଶ୍ରୀକ୍ଷେତ୍ର ସ୍ନାନ ବେଦୀରେ ଚତୁର୍ଦ୍ଧା ମୂର୍ତ୍ତି ଦର୍ଶନ ପାଇଁ ବହୁ ଶ୍ରଦ୍ଧାଳୁଙ୍କ ଭିଡ଼ ଜମିଥିଲା । ଅନୁଗୋଳ ଶୈଳ ଶ୍ରୀକ୍ଷେତ୍ରରେ ଶେଷ ହୋଇଛି ତିନି ଠାକୁରଙ୍କ ସ୍ନାନଯାତ୍ରା । ନିର୍ଦ୍ଧାରିତ ସମୟରେ ଦ୍ୱାରା ଫିଟା, ଅବକାଶ, ସୂର୍ଯ୍ୟ ପୂଜା ଦ୍ୱାରପାଳ ପୂଜା ଆଦି ସମ୍ପନ୍ନ ହେବା ପରେ ଆରମ୍ଭ ହୋଇଥିଲା ଠାକୁରମାନଙ୍କ ପହଣ୍ଡି ବିଜେ ।
ଭିଡିଓ ସୌଜନ୍ୟ : ସମ୍ବାଦଦାତା,ଅନୁଗୋଳ
ଘଣ୍ଟ, ଘଣ୍ଟା ଓ ହରିବୋଲ ହୁଳହୁଳି ଧ୍ୱନିରେ ଠାକୁରଙ୍କୁ ପହଣ୍ଡି କରି ସ୍ନାନବେଦିକୁ ଆଣିଥିଲେ । ଯାହାକୁ ଦେଖିବା ପାଇଁ ଶୈଳଶ୍ରୀକ୍ଷେତ୍ରରେ ବହୁ ଶ୍ରଦ୍ଧାଳୁଙ୍କ ଭିଡ଼ ହୋଇଥିଲା । ମହାପ୍ରଭୁଙ୍କ ସ୍ନାନବେଦୀରେ ଯଥାରୀତି ପୂଜା ଶେଷ ହେବା ପରେ ସ୍ନାନ କରାଯାଇଥିଲା । ପୂର୍ବରୁ ରଖାଯାଇଥିବା 108 ଗରା ଜଳରେ ତିନି ଠାକୁରଙ୍କୁ ସ୍ନାନ କରାଇଥିଲେ ଦଇତା ପତି ସେବାୟତ ।