ସ୍କୁଟି ଉପରେ ଚଢିଗଲା ଟ୍ରକ: 2 ମୃତ, ଜଣେ ଗୁରୁତର

ଅନୁଗୋଳ ଜିଲ୍ଲା ଥାନା ସମ୍ମୁଖରେ ଦୁର୍ଘଟଣା । ସକାଳୁ ସକାଳୁ ଏକ ସ୍କୁଟି ଉପରେ ଟ୍ରକ ମାଡିଯିବା ଫଳରେ 2 ଜଣଙ୍କର ମୃତ୍ୟୁ ହୋଇଛି । ଅଧିକ ପଢନ୍ତୁ...

ଅନୁଗୋଳ: ସ୍କୁଟି ଉପରେ ମାଡିଗଲା ଟ୍ରକ । ଘଟଣାରେ ଦୁଇ ମୃତ ଜଣେ ଗୁରୁତର । ଏଭଳି ଘଟଣା ଘଟିଛି ଏସପିଙ୍କ ଅଫିସ ସମ୍ମୁଖରେ। ସ୍କୁଟିରେ 3 ଜଣ ବସି ଯାଉଥିଲାବେଳେ ପଛପଟୁ ଏକ ଟ୍ରକ ଧକ୍କା ଦେଇଥିଲା । ଘଟଣାସ୍ଥଳରେ ଜଣେ ମହିଳା ଓ ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଥିବାବେଳେ ଆଉ ଜଣେ ସ୍କୁଟିରୁ ବହୁଦୂରକୁ ଛିଟିକି ପଡିଥିଲେ । ତାଙ୍କୁ ଗୁରୁତର ଅବସ୍ଥାରେ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି ।

ଦୁର୍ଘଟଣା ଘଟାଇ ଟ୍ରକ ଡ୍ରାଇଭର ଫେରାର ହୋଇଯାଇଥିବାବେଳେ, ଏନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି । ବର୍ତ୍ତମାନ ସୁଦ୍ଧା ମୃତକଙ୍କ ପରିଚୟ ମିଳିପାରିନାହିଁ । ସେପଟେ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ, ଉକ୍ତ ଟ୍ରକକୁ ଜବତ କରି ତଦନ୍ତ ଜାରି ରଖିଛି ପୋଲିସ ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ