ଅନୁଗୋଳ: କଣ୍ଟ ପୁରିବା ପରେ ସେସୁ ପକ୍ଷରୁ ଆରମ୍ଭ ହୋଇଛି ବିଦ୍ୟୁତ କାଟ ଅଭିଯାନ । ଯେଉଁମାନେ ନିର୍ଦ୍ଧାରିତ ସମୟ ଅର୍ଥାତ ଜାନୁୟାରୀ ୧୫ ସୁଦ୍ଧା ବାକି ଥିବା ବିଜୁଳି ବିଲ୍ ପଇଠ ନକରିଛନ୍ତି ସେମାନଙ୍କ ବିଜୁଳି ସଂଯୋଗ ବିଛିନ୍ନ କରୁଛି ସେସୁ ।
ସେସୁର କାର୍ଯ୍ୟାନୁଷ୍ଠାନ ଆରମ୍ଭ, ପ୍ରଥମ ଦିନରେ କଟିଲା ୨୫୦ ବିଜୁଳି ସଂଯୋଗ
ଅନୁଗୋଳ ଜିଲ୍ଲାରେ ଥିବା ଦୁଇଟି ଡିଭିଜନରେ ୫୫ ଟି ସ୍କ୍ବାର୍ଡ ଗଠନ କରାଯାଇ ବିଜୁଳି ବିଲ କଲେକ୍ସନ କରାଯାଉଛି । ଏହାସହ ସହ ଯେଉଁମାନେ ବକେୟା ଟଙ୍କା ନଦେଇଛନ୍ତି ସେମାନଙ୍କ ବିଦ୍ୟୁତ ସଂଯୋଗ ବିଛିନ୍ନ କରାଯାଉଛି । ପ୍ରଥମ ଦିନରେ ଜିଲ୍ଲାରେ ୫୧ ଲକ୍ଷ ଟଙ୍କା ବିଜୁଳି ବିଲ କଲେକ୍ସନ କରାଯାଇଥିବା ବେଳେ ୨୫୦ ଜଣଙ୍କ ବିଜୁଳି ସଂଯୋଗ ବିଚ୍ଛିନ୍ନ କରାଯାଇଛି । ପ୍ରଥମ ପର୍ଯ୍ୟାୟରେ କମର୍ସିଆଲ ବିଜୁଳି ସଂଯୋଗ ନେଇଥିବା ଉପୋଭୋକ୍ତାଙ୍କୁ ଠାରୁ ବାକି ଟଙ୍କା ସଂଗ୍ରହ କରୁଛି ସେସୁ । ସୂଚନାନୁସାରେ ଜିଲ୍ଲାରେ ବିଜୁଳି ଉପଭୋକ୍ତାଙ୍କ ଉପରେ ୧୦୯ କୋଟି ଟଙ୍କାର ବିଜୁଳି ବିଲ ବାକି ପଡିଛି ।