ଅନୁଗୋଳ: ଜିଲ୍ଲାର ସାତକୋଶିଆ ମହାନଦୀ ଗଣ୍ଡରେ ଜନ୍ମ ହୋଇଥିବା ୨୮ଟି ଘଡ଼ିଆଳ ଛୁଆ ଏବେ ନିଜ ମା ସହ ନଦୀ ଭିତରକୁ ଚାଲି ଯାଇଥିବା ଜଣା ପଡ଼ିଛି। ତେବେ ଏବେ ଘଡ଼ିଆଳ ଛୁଆଙ୍କ ସୁରକ୍ଷା ଚିନ୍ତା ଘାରିଛି ବନ ବିଭାଗକୁ। ଯେଉଁ ସ୍ଥାନରେ ସେମାନେ ମା’ ଘଡ଼ିଆଳ ସହ ଏକାଠି ଥିଲେ ସେଠାରେ ସେମାନେ ଆଉ ନଥିବା ବନ ବିଭାଗ ଜାଣିବାକୁ ପାଇଲା।
ଘଡ଼ିଆଳ ଛୁଆଙ୍କ ଚିନ୍ତା ଘାରିଛି ସାତକୋଶିଆ ବନବିଭାଗକୁ
ଫଳରେ ବହୁ ଖୋଜାଖୋଜି ପରେ ୫ଟି ଛୁଆକୁ ଅନ୍ୟତ୍ର ଠାବ କରାଯାଇଥିଲା। କିନ୍ତୁ, ଅନ୍ୟମାନଙ୍କୁ ଏପର୍ଯ୍ୟନ୍ତ ଠାବ କରାଯାଇ ପାରିନାହିଁ। ଆଗକୁ ବର୍ଷା ଆସୁଥିବାରୁ ନଦୀରେ ଜଳସ୍ତର ବୃଦ୍ଧି ଆଶଙ୍କା କରି ବନ ବିଭାଗ ଏବେ ସୁରକ୍ଷା ପାଇଁ ଚିନ୍ତାରେ ପଡ଼ିଯାଇଛି। ଦୀର୍ଘ ୪୦ ବର୍ଷ ପରେ ମହାନଦୀ ଗଣ୍ଡରେ ପ୍ରାକୃତିକ ପରିବେଶରେ ୨୮ଟି ଘଡ଼ିଆଳ ଛୁଆ ଜନ୍ମ ହୋଇଛନ୍ତି। ଯାହାକି ନିଶ୍ଚିତ ଭାବେ ଖୁସିର କଥା।