ମହିମା ଧାମରେ ପାଳିତ ହେଲା ସନ୍ଥ କବିଙ୍କ ଜୟନ୍ତୀ

ଅନୁଗୋଳ ଜିଲ୍ଲାର ଅଙ୍ଗାରବନ୍ଧ ମହିମାଧାମରେ ସନ୍ଥ କବି ଭୀମ ଭୋଇଙ୍କ ୧୭୪ତମ ଜନ୍ମ ଜୟନ୍ତୀ ମହା ସମାରୋହରେ ପାଳିତ ହୋଇଯାଇଛି । ଅଧିକ ପଢନ୍ତୁ

ଅନୁଗୋଳ: ଆଜି(ସୋମବାର) ଅନୁଗୋଳ ଜିଲ୍ଲାର ଅଙ୍ଗାରବନ୍ଧ ମହିମାଧାମରେ ସନ୍ଥ କବି ଭୀମ ଭୋଇଙ୍କ ୧୭୪ତମ ଜନ୍ମ ଜୟନ୍ତୀ ମହାସମାରୋହରେ ପାଳିତ ହୋଇଯାଇଛି ।

ଏହି ଅବସରରେ ଅନୁଷ୍ଠିତ ଏକ ଉତ୍ସବରେ ମୁଖ୍ୟ ଅତିଥି ଭାବେ ଉପବାଚସ୍ପତି ରଜନୀକାନ୍ତ ସିଂହ, ସମ୍ମାନିତ ଅତିଥି ଭାବେ ନାଲକୋ ମହାପ୍ରବନ୍ଧକ ସତ୍ୟାନନ୍ଦ ସାହୁ ଏବଂ ମୁଖ୍ୟବକ୍ତା ଭାବେ ଇଂରାଜୀ ଅଧ୍ୟାପକ ଅକ୍ଷୟ ପଣ୍ଡା ଓ ଚକୁଳିଆ ପଣ୍ଡା ଭାବେ ପରିଚିତ ଶରଣାରବିନ୍ଦ ଓଝା ଯୋଗ ଦେଇ ମହିମା ଧର୍ମ ଏବଂ ଭୀମଭୋଇଙ୍କ ସମାଜ ଓ ସାହିତ୍ୟ ପ୍ରତି ଥିବା ଅବଦାନ ସମ୍ପର୍କରେ କହିଥିଲେ । ଶତାଧିକ ମହିମାଧର୍ମାବଲମ୍ବୀ ଲୋକ ଏହି ଉତ୍ସବରେ ଯୋଗ ଦେଇଥିଲେ ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ