ଅନୁଗୋଳ: ଅନୁଗୋଳ ପୌରପାଳିକାର ସଫେଇ କର୍ମଚାରୀ ଓ ପୋଲିସ ମଧ୍ୟରେ ଆଜି ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା । ମୁନିସିପାଲଟି ନିର୍ବାହୀ ଅଧିକାରୀ ଏବଂ ସୁଇପର ମାନଙ୍କ ମଧ୍ୟରେ କୌଣସି କାରଣକୁ ନେଇ ଉଚବାଚ ହୋଇଥିଲା । ଫଳରେ ପ୍ରାୟ ୨୫ ଦିନ ହେଲା ୧୩୧ ଜଣ ସୁଇପର କାର୍ଯ୍ୟବନ୍ଦ ଆନ୍ଦୋଳନ କରିଆସୁଥିଲେ । ମୁନିସିପାଲଟି କର୍ତ୍ତୃପକ୍ଷ ବାଧ୍ୟ ହୋଇ ନୂଆ ସୁଇପରଙ୍କୁ ନିଯୁକ୍ତି ଦେଇ ସହରର ସଫେଇ କାର୍ଯ୍ୟ କରି ଆସୁଥିଲେ । କିନ୍ତୁ, ଏହାକୁ ନେଇ ପୁରୁଣା ସୁଇପର ମାନଙ୍କ ମଧ୍ୟରେ ଅସନ୍ତୋଷ ସୃଷ୍ଟି ହୋଇଥିଲା । ଆଜି(ଶୁନିବାର) ସକାଳୁ କିଛି ମହିଳା ସୁଇପର ବାଧ୍ୟ ହୋଇ ମୁନିସିପାଲଟି କାର୍ଯ୍ୟାଳୟ ଆଗରେ ଆତ୍ମାହୂତି ଦେବାକୁ ଉଦ୍ୟମ କରୁଥିଲେ । ପୋଲିସ ଏହାକୁ ରୋକିବାକୁ ଦୃଢ ପଦକ୍ଷେପ ଗ୍ରହଣ କରିଥିଲା । ଆନ୍ଦୋଳନରତ ସୁଇପର ମାନଙ୍କୁ ଏଥିରୁ ନିବୃତ୍ତ ରହି ଆଲୋଚନା ମାଧ୍ୟମରେ ସମାଧାନ କରିବାକୁ ପରାମର୍ଶ ଦେଇଥିଲେ ।
ସହରେ ବାଜୁନି ଝାଡୁ, ସଫେଇ କର୍ମଚାରୀ ପୋଲିସ ମୁହାଁମୁହିଁ