ଅନୁଗୋଳ: କଳାକୃତି କରି ପୁରସ୍କୃତ ହୋଇଛନ୍ତି ଅନୁଗୋଳ କଳାକାର । ବାଲୁକା କଳାରେ ସଚେତନତାର ବାର୍ତ୍ତା ଦେଇ ପୁରସ୍କୃତ ହୋଇଛନ୍ତି ଅନୁଗୋଳର ରୁବେଲାଲ ପ୍ରଧାନ । ତାଙ୍କର ୧୨୧୪୪ ବର୍ଗଫୁଟ ବିଶିଷ୍ଟ ବାଲୁକା କଳା ଏସିଆ ବୁକ ଅଫ ରେକର୍ଡରେ ସ୍ଥାନ ପାଇବା ସହ ସ୍ଵତନ୍ତ୍ର ଭାବେ “ଗ୍ରାଣ୍ଡ ମାଷ୍ଟର” ଉପାଧି ପାଇଛନ୍ତି ରୁବେଲାଲ ପ୍ରଧାନ ।
ବାଲୁକା କଳାକୃତି ପାଇଁ ଏସିଆ ବୁକ ଅଫ ରେକର୍ଡରେ ରୁବେଲାଲଙ୍କ ନାଁ
ଚଳିତ ବର୍ଷ ବିଶ୍ଵ କର୍କଟ ଦିବସରେ ବାଲୁକା କଳା ଦ୍ଵାରା ସଚେତନତା ବାର୍ତ୍ତା ଦେଇଥିଲେ ଜାତୀୟ ସ୍ତରୀୟ ବାଲୁକା ଶିଳ୍ପୀ ରୁବେଲାଲ ପ୍ରଧାନ । କଟକର କାର୍ଶିନୋଭା କ୍ୟାନସର ହସ୍ପିଟାଲ ଠାରେ ୧୩୨ ଫୁଟ ଲମ୍ବ ଓ ୯୨ ଫୁଟ ପ୍ରସ୍ଥ ବିଶିଷ୍ଟ ଏହି ସଚେତନତା କଳାକୃତି ସର୍ବବୃହତ ହୋଇଥିବା ଜଣାଯାଇଛି । ଏହି ୧୨୧୪୪ ବର୍ଗଫୁଟ ବିଶିଷ୍ଟ ବାଲୁକା କଳା ଏସିଆ ବୁକ ଅଫ ରେକର୍ଡରେ ସ୍ଥାନ ପାଇବା ସହ ସ୍ଵତନ୍ତ୍ର ଭାବେ “ଗ୍ରାଣ୍ଡ ମାଷ୍ଟର” ଉପାଧି ପ୍ରଦାନ କରିଛି ।