ଅନୁଗୋଳ: ବନ୍ଧୁକ ମୁନରେ ଲୁଟ ଅଭିଯୋଗ । ଏଭଳି ଅଭିଯୋଗ ଆସିଛି ଅନୁଗୋଳ ଜିଲ୍ଲା ଛେଣ୍ଡିପଦା ଥାନା ପୁରୁଣାଗଡ ଗାଁରୁ । ପ୍ରାୟ 10 ଭରିର ସୁନାଗହଣା ସହ 1 ଲକ୍ଷରୁ ଅଧିକ ଟଙ୍କା ଲୁଟି ଫେରାର ହୋଇଛନ୍ତି ଦୁର୍ବୃତ୍ତ ।
ବନ୍ଧୁକ ମୁନରେ ଲୁଟ: ଲକ୍ଷାଧିକ ଟଙ୍କା ସହ ସୁନାଗହଣା ଲୁଟି ନେଲେ ଦୁର୍ବୃତ୍ତ
ଶନିବାର ବିଳମ୍ବିତ ରାତିରେ ମାରଣାସ୍ତ୍ର ଧରି ମୁଖା ପିନ୍ଧା 5ରୁ 6 ଜଣ ଦୁର୍ବୃତ୍ତ ପୁରୁଣାଗଡ ଗାଁର ପତିତପାବନ ମହାପାତ୍ରଙ୍କ ଘରେ ପଶିଥିଲେ । ପରିବାରର ସମସ୍ତଙ୍କୁ ଛୁରୀ, ଖଣ୍ଡା, ବନ୍ଧୁକ ଆଦି ଦେଖାଇ ଘରେ ଥିବା ସମସ୍ତ ସୁନା ଗହଣା, ଟଙ୍କା ଆଦି ଲୁଟି ନେଇ ଫେରାର ହୋଇଯାଇଥିଲେ ।