ଟିପର ଧକ୍କାରେ ସାଇକେଲ ଆରୋହୀ ମୃତ

ଅନୁଗୋଳ ଜିଲ୍ଲାର ବଂରପାଳ ଥାନା ଆଶା ଟକିଜ ସମ୍ମୁଖରେ ଟିପର ଧକ୍କାରେ ଜଣଙ୍କର ମୃତ୍ୟୁ ଘଟିଛି ।

ଅନୁଗୋଳ: ସାଇକେଲ ଆରୋହୀଙ୍କ ଉପରେ ଚଢିଗଲା ଟିପର । ଦୁର୍ଘଟଣାରେ ସାଇକେଲ ଆରୋହୀଙ୍କର ମୃତ୍ୟୁ ଘଟିଛି । ଅନୁଗୋଳ ଜିଲ୍ଲାର ବଂରପାଳ ଥାନା ଆଶା ଟକିଜ ସମ୍ମୁଖରେ ଘଟିଛି ଏଭଳି ଦୁର୍ଘଟଣା । ମୃତକ ଜଣଙ୍କ ଝଝିରବାହାଳ ଗ୍ରାମର ଜଗତ ଗୋଛାୟତ ବୋଲି ଜଣା ପଡିଛି ।

ସୂଚନା ମୁତାବକ, ଜଗତ ସାଇକେଲରେ ଆଶା ଟକିଜ ଦେଇ ଯାଉଥିବା ବେଳେ ସାମ୍ନାପଟୁ ଏକ ଟିପର ଆସି ତାଙ୍କୁ ଧକ୍କା ଦେବାସହ ତାଙ୍କ ଉପରେ ଚଢ଼ି ଯାଇଥିଲା । ଫଳରେ ସେ ଘଟଣା ସ୍ଥଳରେ ହିଁ ପ୍ରାଣ ହରାଇଥିଲେ ।

ସେପଟେ ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଉଦ୍ଦାର କରିବା ସହ ସମ୍ପୃକ୍ତ ଟ୍ରକକୁ ଅଟକ ରଖିଛି ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ