ମରାମତି ବେଳେ ଟ୍ରାକରେ ନିଜେ ଗଡିଲା ୱାଗନ, ଦୁର୍ଘଟଣାରୁ ଅଳ୍ପକେ ବର୍ତ୍ତିଲେ ଶ୍ରମିକ

ଅନୁଗୋଳ ଜିଲ୍ଲା ତାଳଚେର ଠାରେ ଟ୍ରେନର ଏକ ବଗି ମରାମତି ହେଉଥିବା ବେଳେ ଆପେ ଆପେ ଗଡ଼ିଲା ୱାଗନ।

ଅନୁଗୋଳ: ତାଳଚେର ଘଣ୍ଟପଡା ଓ ତାଳଚେର ଷ୍ଟେସନ ମଧ୍ୟରେ ଟ୍ରେନ ଧାରଣାରେ ବଡ଼ ଦୁର୍ଘଟଣାରୁ ଅଳ୍ପକେ ବର୍ତ୍ତିଲା ମାଲବାହି ଟ୍ରେନ । ତାଳଚେରରେ ଟ୍ରେନର ଏକ ବଗି ମରାମତି ହେଉଥିବା ବେଳେ ଆପେ ଆପେ ଗଡ଼ିଲା ୱାଗନ ।

ସୂଚନା ଅନୁଯାୟୀ, ରେଳ କର୍ମଚାରୀ ଉପସ୍ଥିତିରେ ଟ୍ରେନ ବଗି ମରାମତି ହେଉଥିଲା । କିନ୍ତୁ ହଠାତ ଗୋଟିଏ ୱାଗନ ଆପେ ଗଡ଼ିବାରେ ଲାଗିଥିଲା । ଆଉ ଦୁର୍ଘଟଣାରୁ ଅଳ୍ପକେ ବର୍ତିଯାଇଥିଲେ ସେହି ଟ୍ରାକରେ କାମ କରୁଥିବା ଶ୍ରମିକ । ତେବେ ରେଳ କର୍ମଚାରୀଙ୍କ ଅବହେଳା ଯୋଗୁଁ ଏପରି ଘଟଣା ଘଟିଥିବା ଅଭିଯୋଗ ହୋଇଛି ।

ବହୁ ପ୍ରେଚଷ୍ଟା ପରେ ବଗିକୁ ଆୟତ କରିବା ପରେ ଇଞ୍ଜିନ ସହିତ ଯୋଡ଼ା ଯାଇଥିଲା । ତେବେ ଏହି ଘଟଣାରେ କିଛି ସମୟ ପାଇଁ ଟ୍ରେନ ଚଳାଚଳ ବନ୍ଦ ରହିଥିଲା । ସେପଟେ ରେଳ କର୍ମଚାରୀଙ୍କ ଉପସ୍ଥିତି ସତ୍ତ୍ବେ ବିନା ସୁରକ୍ଷାରେ କେଉଁ ପରିପ୍ରେକ୍ଷୀରେ ବଗି ମରାମତି କରାଯାଉଥିଲା ତାକୁ ନେଇ ଏବେ ଉଠିଛି ପ୍ରଶ୍ନ ।

ଅନୁଗୋଳରୁ ସଂଗ୍ରମାମ ରଞ୍ଜନ ନାଥ, ଇଟିଭି ଭାରତ