ଅନୁଗୋଳ: ଜିଲ୍ଲାରୁ ଆସନ୍ତା ଡିସେମ୍ବର ୧୬ରୁ ଆରମ୍ଭ ହେବ ଚାଷୀଙ୍କ ଠାରୁ ଧାନ କିଣା । ଏଥିପାଇଁ ଉଭୟ ଯୋଗାଣ ବିଭାଗ ଓ ସମବାୟ ବିଭାଗ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଆରମ୍ଭ ହୋଇଯାଇଛି । ଜିଲ୍ଲାପାଳଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇ ଥିଲା । କିଭଳି କୋରୋନା କଟକଣା ନିୟମକୁ ମାନି ସୁବିଧାରେ ଚାଷୀଙ୍କ ଠାରୁ ଧାନ କ୍ରୟ କରାଯିବ ଏବଂ ଦଲାଲମାନଙ୍କଠାରୁ ଚାଷୀମାନେ ରକ୍ଷା ପାଇ ପାରିବେ ସେଥିପାଇଁ ଯୋଜନା ପ୍ରସ୍ତୁତ କରାଯାଇଥିଲା ।
ଡିସେମ୍ବର ୧୬ରୁ ଅନୁଗୋଳରେ ଧାନ କିଣା ଆରମ୍ଭ
ଧାନ କିଣା ପ୍ରକ୍ରିୟା ପାଇଁ ସ୍ବତନ୍ତ୍ର ସ୍କ୍ବାର୍ଡ ଗଠନ କରାଯାଇଛି । ଏହା ବ୍ୟତୀତ ଧାନ ମଣ୍ଡିଗୁଡିକରେ କେବଳ ଚାଷୀ, ସମବାୟ କର୍ମଚାରୀଙ୍କ ଛଡା ଅନ୍ୟ କାହାରି ପ୍ରବେଶ ଉପରେ କଟକଣା ଲଗା ଯାଇଛି । ଚଳିତ ବର୍ଷ ଜିଲ୍ଲାରୁ ମୋଟ ୩୫,୮୭୭ଜଣ ଚାଷୀ ଧାନ ବିକ୍ରି କରିବାକୁ ପଞ୍ଜିକୃତ କରିଛନ୍ତି ।