ଅନୁଗୋଳ: ପୁଣି ଜନନୀକୁ ଯନ୍ତ୍ରଣା । ଗାଁକୁ ରାସ୍ତା ନଥିବାରୁ ଯାଇପାରିଲାନି ୧୦୮ ଆମ୍ବୁଲାନ୍ସ । ଷ୍ଟ୍ରେଚରରେ ୧ କିଲୋମିଟର ବୁହା ହେଲେ ପ୍ରସୂତୀ ମହିଳା । ଏଭଳି ଦୃଶ୍ୟ ଦେଖିବାକୁ ମିଳିଛି ଶିଳ୍ପ ଜିଲ୍ଲା ଅନୁଗୋଳର ପାଲଲହଡା ବ୍ଲକ ସଇଡା ଗ୍ରାମର କେଲ ସାହିରେ ।
ଗାଁକୁ ନାହିଁ ରାସ୍ତା, ପୁଣି ଷ୍ଟ୍ରେଚରରେ ବୁହା ହେଲେ ପ୍ରସୂତି
ଗତକାଲି(ଶନିବାର) ଅପରାହ୍ନ ସମୟରେ କେଲସାହିର କନାଇ କେରାଇଙ୍କ ସ୍ତ୍ରୀ ସୁମନ୍ତୀ କେରାଇଙ୍କ ପ୍ରସବ ଯନ୍ତ୍ରଣା ହେବାରୁ ସ୍ଥାନୀୟ ଆଶାକର୍ମୀଙ୍କୁ ଡାକିଥିଲେ । ପରେ ୧୦୮କୁ କଲ୍ କରିଥିଲେ । ତେବେ ଗାଁରେ ରାସ୍ତା ନଥିବାରୁ ୧୦୮ ଆମ୍ବୁଲାନ୍ସ ଗାଁ ଭିତରକୁ ଯାଇପାରିନଥିଲା । ଫଳରେ ଆମ୍ବୁଲାନ୍ସ କର୍ମଚାରୀ ଓ ପରିବାର ଲୋକେ ଷ୍ଟ୍ରେଚରରେ ଘରଠାରୁ ୧ କିଲୋମିଟର ବୋହି ନେଇଥିଲେ । ପରେ ପାଲଲହଡା ଡାକ୍ତରଖାନାରେ ଭର୍ତ୍ତି କରିଥିବା ଜଣାପଡି଼ଛି ।