ଅନୁଗୋଳ:ଆମ୍ବ ତୋଟାରୁ ଅର୍ଦ୍ଧଦଗ୍ଧ ମୃତଦେହ ମିଳିବା ଘଟଣା । ମିଳିଲା ମୃତକଙ୍କ ପରିଚୟ । ମୃତ ବ୍ୟକ୍ତି ଆଠମଲ୍ଲିକ ଥାନା ଆଡିକତା ଗାଁର ସୁଶାନ୍ତ ରାଉଳ । ତେବେ ତାଙ୍କୁ ହତ୍ୟା କରାଯାଇଥିବା ନେଇ ଅଭିଯୋଗ ଆଣିଲେ ମୃତକଙ୍କ ପରିବାର ଲୋକେ ।
ଆମ୍ବତୋଟାରୁ ଅର୍ଦ୍ଧଦଗ୍ଧ ମୃତଦେହ ଉଦ୍ଧାର ଘଟଣା, ମିଳିଲା ମୃତକଙ୍କ ପରିଚୟ
ସୁଶାନ୍ତ ନାଲକୋ ଶ୍ରମିକ ହାଟିଙ୍ଗରେ ଏକ ତେଜରାତି ଦୋକାନ କରି ପେଟ ପୋଷୁଥିଲେ । ଗତ 19 ଠାରୁ ସେ ନିଖୋଜ ଥିଲେ । ମଙ୍ଗଳବାର ନାଲକୋ ଥାନା ଅନ୍ତର୍ଗତ ଗୋପୀନାଥପୁର ଆମ୍ବତୋଟାରୁ ତାଙ୍କ ଅର୍ଦ୍ଧଦଗ୍ଧ ମୃତଦେହ ଉଦ୍ଧାର କରାଯାଇଥିଲା । କିଛି ଦୁର୍ବୃତ୍ତ ସୁଶାନ୍ତଙ୍କୁ ଟଙ୍କା ମାଗିଥିଲେ । ସେ ନ ଦେବାରୁ ତାଙ୍କୁ ହତ୍ୟା କରି ପରେ ଆମ୍ବ ତୋଟାରେ ପକାଇ ନିଆଁ ଲଗାଇ ଦେଇଥିବା ସନ୍ଦେହ କରାଯାଉଛି ।