ଅନୁଗୋଳ: କୋରୋନା ଭୟ ସାଙ୍ଗକୁ ସରକାରୀ କଟକଣା । ବସରେ ଯାତ୍ରା କରୁନାହାଁନ୍ତି ଯାତ୍ରୀ। ଖାଲି ବସ ଚଳାଇ କ୍ଷତି ସହୁଛନ୍ତି ବସ ମାଲିକ । ଆଗାମୀ ଦିନରେ ବସ ନ ଚାଲିବାକୁ ନିଷ୍ପତ୍ତି ନେଲେଣି ବସ ମାଲିକ । ଦିନକୁ ଦିନ କୋରୋନା ନିଜର କାୟା ମେଲାଇ ଚାଲିଥିବା ବେଳେ ଏବେ ସେଥିରେ ସମସ୍ତେ ସନ୍ତୁଳି ହେଉଛନ୍ତି । ଯେଉଁମାନେ ଗାଡି ବ୍ୟବସାୟ କରି ନିଜେ ରୋଜଗାର ପାଇବା ସହ ଗାଡି ପିଛା 3ରୁ 4 ଜଣକୁ ରୋଜଗାର ଯୋଗାଇ ଥାନ୍ତି ସେ ଗାଡି ମାଲିକ ମାନେ ଏବେ ଚିନ୍ତାରେ ।
କୋରୋନା ଭୟରେ ବସରେ ଯାତ୍ରା କରୁନାହାଁନ୍ତି ଯାତ୍ରୀ
ସରକାର ବସ ଚଳାଇବାକୁ ନିଷ୍ପତ୍ତି ନେଇଥିବା ବେଳେ ଏବେ କୋରୋନା ଭୟରେ ବସରେ କେହି ଯାତ୍ରା କରୁନାହାଁନ୍ତି । ଫଳରେ ପ୍ରତ୍ୟେକ ଦିନ ମାଲିକ ମାନେ ବସ ଷ୍ଟାଣ୍ଡରେ ଗାଡି ଛିଡା କରି ଯାତ୍ରୀଙ୍କୁ ଅପେକ୍ଷା କରୁଥିଲେ ବି କେହି ଆସୁନଥିବାରୁ ପୁଣି ଗାଡି ଫେରାଈ ନେଉଛନ୍ତି । ସେପଟେ କେହି କେହି ଅଳ୍ପ ଯାତ୍ରୀ ରେ ବସ ଚଲାଇ ଥିବାରୁ କ୍ଷତିରେ ପଡୁଥିବା କହିଛନ୍ତି ।