ଅନୁଗୋଳ:ଜିଲ୍ଲା କଣିହାଁ ଅଞ୍ଚଳରେ ପ୍ରସ୍ତାବିତ କୋଇଲା ଖଣିର ସର୍ଭେ କାର୍ଯ୍ୟକୁ ବିରୋଧ । ସର୍ଭେ କାର୍ଯ୍ୟରେ ନିୟୋଜିତ କମ୍ପାନୀ କର୍ମଚାରୀଙ୍କୁ ଅଟକ ରଖିଲେ ଗାଁ ଲୋକେ । ଗ୍ରାମବାସୀଙ୍କ ଦାବି ପୂରଣ ନ କରି ସର୍ଭେ କରିବାରୁ ଗାଁ ଲୋକେ ଏହାକୁ ବିରୋଧ କରିଛନ୍ତି । ଯାହାକୁ ନେଇ ଘଟଣାସ୍ଥଳରେ ଉତ୍ତେଜନା ସୃଷ୍ଟି ହୋଇଛି ।
କୋଇଲା ଖଣି ସର୍ଭେକୁ ବିରୋଧ, ସର୍ଭେ ଅଧିକାରୀ ଅଟକ
ସୂଚନା ମୁତାବକ, କୋଲକାତାର ସେରିଆନ ଏକ୍ସପ୍ରେସନ ଆଣ୍ଡ ମାଇନିଂ ନାମକ ଏକ ସଂସ୍ଥା ଗତ କିଛି ଦିନ ହେବ କଣିହାଁ ବାରିହାପୁର ଗାଁକୁ ଆସି ଗ୍ରାମରେ କୋଇଲା ଅଛି କି ନାହିଁ ସର୍ଭେ କରୁଛି । ମାତ୍ର ଗ୍ରାମବାସୀ ଗାଁ କମିଟିକୁ ୧୦ ଲକ୍ଷ ଟଙ୍କା ଏବଂ ପ୍ରତି ନଳକୂଅ ପିଛା ୧୦ ହଜାର ଟଙ୍କା ଦେବାକୁ ଦାବି କରି କାମ ବନ୍ଦ କରିଥିଲେ । ଦାବି ପୂରଣ ନ କରି କମ୍ପାନୀ ମନମୁଖୀ ସର୍ଭେ କରିବାରୁ ଗାଁ ଲୋକେ କମ୍ପାନୀ କର୍ମଚାରୀଙ୍କୁ ଅଟକ ରଖିଥିଲେ ।