ଅନୁଗୋଳ: ସାତକୋଶିଆ ଅଭୟାରଣ୍ୟ ଭିତରେ ଥିବା ପୁରୁଣାକୋଟ ଠାରେ ଦେଶୀ ରନ୍ଧା ମଦ ଭାଟିକୁ ବିରୋଧ । ଏହାକୁ ବିରୋଧ କରିଛନ୍ତି ସ୍ଥାନୀୟ ଅଞ୍ଚଳବାସୀ । ଯେଉଁଠି ମଦ ଭାଟି ନିର୍ମାଣ ହେଉଛି ତାହାର ଅତି ନିକଟରେ ସରକାରୀ ସ୍କୁଲ, ଅନୁସୂଚିତ ଜନ ଜାତିର ବାଳିକା ହଷ୍ଟେଲ, ଗାଁର ଦେବୀ ପୀଠ ଓ ଅନ୍ୟାନ୍ୟ ସରକାରୀ କାର୍ଯ୍ୟାଳୟ ରହିଛି। ତେଣୁ ଏସବୁ ଉପରେ କୁପ୍ରଭାବ ପଡିବ।
ଅଭୟାରଣ୍ୟରେ ଦେଶୀ ରନ୍ଧା ମଦ ଭାଟିକୁ ବିରୋଧ;ଜିଲ୍ଲାପାଳଙ୍କ ନିକଟରେ ଅଭିଯୋଗ
ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଟିକରପଡା ଭଳି ପର୍ଯ୍ୟଟନସ୍ଥଳୀକୁ ଯାତାୟତ ରାସ୍ତାକୁ ଲାଗି ରହିଛି ମଦ ଭାଟି। ଦେଶ ବିଦେଶରୁ ଏଠାକୁ ପର୍ଯ୍ୟଟକ ଆସୁଛନ୍ତି । ଏଠାରେ ମଦ ଭାଟି ହେଲେ ଏକ ଖରାପ ପରିବେଶ ସୃଷ୍ଟି କରିବ। ବନ୍ୟଜନ୍ତୁ ଚଲା ପଥ ଉପରେ ମଦ ଭାଟି ନିର୍ମାଣ କରାଯାଇଛି। ଫଳରେ ବନ୍ୟଜନ୍ତୁ ଯାତାୟାତ କରି ପାରିବେ ନାହିଁ।