ଅନୁଗୋଳ: ମର୍ଣ୍ଣିଂ ୱାକ୍ ଯାଇଥିବା ସମୟରେ ଦନ୍ତା ନେଇଗଲ ଜୀବନ । ଅନୁଗୋଳ ଜିଲ୍ଲ ତାଳଚେର ରେଞ୍ଜ ଏକଘରିଆ ଗାଁ ନିକଟରେ ହାତୀ ଆକ୍ରମଣରେ ଜଣଙ୍କର ମୃତ୍ୟୁ ଘଟିଛି । ମୃତକ ହେଲେ ଏକଘରିଆ ଗାଁର ଯୋଗେଶ ଦେବତା ।
ହାତୀ ଆକ୍ରମଣରେ ଜଣେ ମୃତ, ଉତ୍ୟକ୍ତ ଲୋକଙ୍କ ରାସ୍ତାରୋକ
ସୂଚନା ଅନୁସାରେ ଯୋଗେଶ ସବୁଦିନ ଭଳି ଆଜି ଭୋର ସମୟରେ ମର୍ଣ୍ଣିଂ ୱାକ୍ ଯାଉଥିବା ସମୟରେ ଗାଁ ମୁଣ୍ଡ ତାଳଚେର- ପାଲ ଲହଡା ମୁଖ୍ୟରାସ୍ତାର ଏକଘରିଆ କୋଲ ୱାଶେରୀ ନିକଟରେ ହାତୀ ହାବୁଡ଼ରେ ପଡିଯିବାରୁ ହାତୀ ତାଙ୍କୁ ଗୋଡ଼ାଇ ଗୋଡ଼ାଇ କଚାଡି ଦେଇ ଥିବାବେଳେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ଫଳରେ ପରିବାର ଓ ଗାଁ ଲୋକ ଆସି ରୁଣ୍ଡ ହେବା ସହ କ୍ଷତିପୂରଣ ଓ ନିଯୁକ୍ତି ଦାବିରେ ରାସ୍ତାରୋକ କରିଥିଲେ ।