ଅନୁଗୋଳ: କୋରୋନାରେ ମୃତ ମହିଳାଙ୍କ ମୃତଦେହକୁ କେହି ଛୁଇଁଲେନି କି ଦାହ ପାଇଁ ନେଲେନି । ପରିବାର ଲୋକେ, ପଡୋଶୀ ଏବଂ ଗ୍ରାମବାସୀ ସମସ୍ତେ ତାଟି କବାଟ ପକାଇ ଘରେ ରହିଲେ । ଏହି ଖବର ପାଇ ସମାଜସେବୀ ଚିନ୍ମୟୀ ଦାସ ସେଠାରେ ପହଞ୍ଚି ଦୀର୍ଘ ୩ ଘଣ୍ଟା ପରେ ମୃତଦେହକୁ ବାଇକ ଯୋଗେ ପ୍ରାୟ ଅଢେଇ କି.ମି ଦୂରକୁ ଆଣି ପୋତି ଦେଇଥିଲେ ।
କୋଭିଡ ଭୟରେ ହଜି ଯାଉଛି ମାନବିକତା
ଏଭଳି ସ୍ପର୍ଶକାତର ଘଟଣା ଦେଖିବାକୁ ମିଳିଛି ଅନୁଗୋଳ ଜିଲ୍ଲାର ଛେଣ୍ଡିପଦା ଥାନା ବାଗେଡିଆ ଗାଁରେ । ଗାଁର କନକଲତା ସାହୁ ନାମକ ଜଣେ ମହିଳା କରୋନାରେ ସଂକ୍ରମିତ ହୋଇ ଘରେ ଚିକିତ୍ସିତ ହେଉଥିଲେ । ଆଜି ହଠାତ ତାଙ୍କର ମୃତ୍ୟୁ ହୋଇଥିଲା । ଏହା ପରେ ମୃତ ମହିଳାଙ୍କ ସ୍ୱାମୀ ଓ ବଡ଼ ପୁଅ ମୃତଦେହ ନିକଟକୁ ଆସି ନଥିଲେ ।