ଜଙ୍ଗଲରୁ ନବଜାତ ଶିଶୁପୁତ୍ର ଉଦ୍ଧାର

ଅନୁଗୋଳ ଜିଲ୍ଲା ଖମାର ଥାନା ମୁଣ୍ଡୁରୀବେଡା ରାସ୍ତା କଡ଼ରୁ ଏକ ଶିଶୁପୁତ୍ର ଉଦ୍ଧାର ହୋଇଛି । ପିଲାଟି କାହାର ତାହା ଜଣାପଡିନାହିଁ । ଅଧିକ ପଢନ୍ତୁ...

ଅନୁଗୋଳ: ବୁଦାମୂଳରୁ ନବଜାତ ଶିଶୁ ଉଦ୍ଧାର। ଅନୁଗୋଳ ଜିଲ୍ଲା ଖମାର ଥାନା ମୁଣ୍ଡୁରୀବେଡା ରାସ୍ତା କଡ଼ରୁ ଏକ ଶିଶୁ ପୁତ୍ର ଉଦ୍ଧାର ହୋଇଛି । ପିଲାଟି କାହାର ତାହା ଜଣାପଡିନାହିଁ ।

ସୂଚନାନୁସାରେ,ମୁଣ୍ଡୁରୀ ବେଡା ଗ୍ରାମର କିଛି ଆଦିବାସୀ ମହିଳା ଜଙ୍ଗଲକୁ କାଠ ଆଣିବା ପାଇଁ ଯାଇଥିଲେ । ହଠାତ୍ ଗୋଟିଏ ପିଲା କାନ୍ଦୁଥିବାର ଶୁଣିବାକୁ ପାଇଲେ । ମହିଳାମାନେ ଖୋଜାଖୋଜି କରିବା ପରେ ଏକ ବୁଦା ମୂଳରୁ ନବଜାତ ଶିଶିପୁତ୍ରଟି କାନ୍ଦୁଥିବାର ଦେଖିବାକୁ ପାଇଲେ । ଶିଶୁଟିକୁ ଉଦ୍ଧାର କରି ମହିଳାମାନେ ଖମାର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରିଥିଲେ। ବର୍ତ୍ତମାନ ଶିଶୁପୁତ୍ରଟିର ସ୍ୱାସ୍ଥ୍ୟ ଭଲ ଥିବା ଜଣାପଡିଛି ।

ତେବେ କିଏ ଓ କାହିଁକି ଏଭଳି ଶିଶୁପୁତ୍ରକୁ ଫୋପାଡିଛି ତାହା ଜଣାପଡିନାହିଁ । ଏହି ଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି । ଖମାର ପୁଲିସ ଘଟଣାର ଅନୁସନ୍ଧାନ ଚଳାଇଛି ।