ଅନୁଗୋଳ: ଅନୁଗୋଳ ସୁଧାର ଗୃହରେ ପହଞ୍ଚିଛି ନୟାଗଡ ନାବାଳିକା ହତ୍ୟାକାଣ୍ଡର ଅଭିଯୁକ୍ତ । କୋର୍ଟ ଅଭିଯୁକ୍ତ ଜଣଙ୍କୁ ନାବାଳକ କହିବା ପରେ ତାକୁ ସୁଧାର ଗୃହକୁ ପଠାଇ ଦିଆଯାଇଛି । ନୟାଗଡରୁ ଏକ ସ୍ବତନ୍ତ୍ର ଟିମ୍ ମଙ୍ଗଳବାର ବିଳମ୍ବିତ ରାତି ପ୍ରାୟ 12ଟାରେ ଅଭିଯୁକ୍ତକୁ ଧରି ଅନୁଗୋଳ ବାଳ ସୁଧାର ଗୃହରେ ପହଞ୍ଚିଛନ୍ତି ।
ନୟାଗଡ ନାବାଳିକା ହତ୍ୟା ଅଭିଯୁକ୍ତ
ଅଭିଯୁକ୍ତର ରହିବାର ସୁବିଧା କରିବା ପରେ ଉକ୍ତ ଟିମ୍ ସେଠାରେ ତାକୁ ଛାଡି ଚାଲିଯାଇଥିବା ଜଣାପଡିଛି । ସୂଚନାଥାଉକି, ନୟାଗଡର ବହୁଚର୍ଚ୍ଚିତ ନାବାଳିକା ହତ୍ୟା ଘଟଣାରେ ଏସଆଇଟି ଜଣେ କଲେଜ ଛାତ୍ରକୁ ଗିରଫ କରିଛି । ତେବେ ଏସଆଇଟି ଉକ୍ତ ଯୁବକକୁ ସାବାଳକ ଦର୍ଶାଉଥିବାବେଳେ କୋର୍ଟ ଯୁବକ ଜଣଙ୍କୁ ନାବାଳକ କହିଛନ୍ତି ।