ଅନୁଗୋଳ: ସାମାନ୍ୟ ବଚସାରୁ ହତ୍ୟାକାଣ୍ଡ । ମହିଳା ଙ୍କୁ ଘରୁ ଟାଣି ଆଣି କଟୁରିରେ ହାଣିଲା ଯୁବକ । ଅନୁଗୋଳ ଜିଲା ଛେଣ୍ଡିପଦା ଥାନା ବାଗେଡି଼ଆ ସଜରା ସାହି ରେ ଘଟିଛି ଘଟଣା । ସଜରାସାହିର ଶମ୍ଭୁନାଥ ସାହୁ ନାମକ ଜଣେ ଯୁବକ ଏକ କଟୁରି ଧରି ସାହିରେ ବୁଲିବା ସହ ପଡିଶା ଘରର କିଛି ମହିଳାଙ୍କ ସହ ପାଟିତୁଣ୍ଡ କରୁଥିଲେ ।
ଘରୁ ଟାଣିଆଣି ମହିଳା ଙ୍କୁ ହତ୍ୟା, ଫେରାର ବେଳେ ଧରିଲା ପୋଲିସ
ପଡିଶା ଘର ମହିଳା ରେବତୀ ସାହୁ ତାଙ୍କ ଝିଅ ମାନଙ୍କ ସହ ବସି ଘର ଭିତରେ ବିଡ଼ି ତିଆରି କରୁଥିବା ବେଳେ ହଠାତ ଶମ୍ଭୁନାଥ ସେଠାରେ ପହଞ୍ଚି ରେବତୀଙ୍କୁ ପାଟି ତୁଣ୍ଡ କରିଥିଲା । ଉଭୟଙ୍କ ମଧ୍ୟରେ ସାମାନ୍ୟ ବଚସା ହେବା ବେଳେ ଶମ୍ଭୁ କଟୁରି ଧରି ରେବତୀଙ୍କୁ ମାରି ଗୋଡାଇ ଥିଲା । ରେବତୀ ଦୌଡ଼ି ପଳାଇବା ସମୟରେ ଶମ୍ଭୁ ତାଙ୍କ ତଣ୍ଟିକୁ ହାଣି ଦେଇଥିଲା ।