ଅନୁଗୋଳ: ରାଜ୍ୟରେ ମୋ ସ୍କୁଲ ଅଭିଯାନର ସ୍ଥିତି ପରଖୁଛନ୍ତି ମୋ ସ୍କୁଲର ଅଧ୍ୟକ୍ଷା । ରାଜ୍ୟ ସରକାର ମୋ ସ୍କୁଲ ଅଭିଯାନକୁ ୧୩ ମାସରେ ୩୪ କୋଟି ଟଙ୍କା ଦେଇଛନ୍ତି । ଏହି ଟଙ୍କାର କିଭଳି ସୁବିନିଯୋଗ ହେବ, ସେ ନେଇ ସ୍ଥିତି ପରଖୁଛନ୍ତି ଅଧ୍ୟକ୍ଷା।
ରାଜ୍ୟରେ ଥିବା ୫୮ ହଜାର ବିଦ୍ୟାଳୟରୁ ୧୭ ହଜାର ବିଦ୍ୟାଳୟକୁ ମୋ ସ୍କୁଲ ଅଭିଯାନରେ ସାମିଲ କରାଯାଇଛି । ମୋ ସ୍କୁଲ ଅଭିଯାନକୁ ମିଥିଳା ଟଙ୍କାର କିଭଳି ସଫଳ ରୂପାୟନ ହୋଇ ପାରିବ ଓ ବିଦ୍ୟାଳୟ ଗୁଡିକରେ କିଭଳି ଆବଶ୍ୟକୀୟ ଉପକରଣ ରହିପାରିବ ସେନେଇ ସରକାରଙ୍କ ଆଭିମୁଖ୍ୟ କଡାକଡି ରହିଛି ।
ଦିନିକିଆ ଅନୁଗୋଳ ଜିଲ୍ଲା ଗ୍ରସ୍ତରେ ଆସି ଅଧ୍ୟକ୍ଷା ଜିଲ୍ଲାର ବିଭିନ୍ନ ସ୍କୁଲ ପରିଦର୍ଶନ କରିବା ସହିତ ବିଦ୍ୟାଳୟ ଗୁଡିକରେ ଥିବା ଲାଇବ୍ରେରୀ ଆଦି ବୁଲି ଦେଖିଛନ୍ତି । ବିଦ୍ୟାଳୟ ବୁଲିବା ସହିତ ପିଲାମାନଙ୍କ ସହିତ ମଧ୍ୟ ଆଲୋଚନା କରିଛନ୍ତି ଅଧ୍ୟକ୍ଷା ସୁସ୍ମିତା ବାଗଚି ।
ଏହା ପରେ ସର୍କିଟ ହାଉସରେ ଏକ ସମୀକ୍ଷା ବୈଠକ କରି ଜିଲ୍ଲାକୁ ଆସିଥିବା ଟଙ୍କାର ସଠିକ ବିନିଯୋଗ କରିବାକୁ ଶିକ୍ଷା ବିଭାଗ ଅଧିକାରୀ ମାନଙ୍କୁ ପରାମର୍ଶ ମଧ୍ୟ ଦେଇଛନ୍ତି । ବିଦ୍ୟାଳୟ ବୁଲିବା ବେଳେ ପିଲାମାନଙ୍କ ପାଠ ପ୍ରତିଥିବା ଆଗ୍ରହ ଓ ବିଦ୍ୟାଳୟର ପରିବେଶକୁ ପ୍ରସଂଶା ମଧ୍ୟ କରିଛନ୍ତି ଅଧ୍ୟକ୍ଷା ସୁସ୍ମିତା ବାଗଚି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
