ଛେଳିଚରାଳିଙ୍କୁ ଦଳି ଦେଲା ହାତୀ

ଅନୁଗୋଳ ଜିଲ୍ଲାର ହଣ୍ଡପା ବନାଞ୍ଚଳ ପ୍ରତାପପୁର ଗାଁରେ ହାତୀ ଆକ୍ରମଣରେ ଜଣଙ୍କ ମୃତ୍ୟୁ ହୋଇଛି । ଛେଳି ଚରାଇବାକୁ ଜଙ୍ଗଲକୁ ଯାଇଥିବାବେଳେ ହାତୀ ତାଙ୍କୁ ଖଣ୍ଡ ବିଖଣ୍ଡ କରି ଦେଇଥିଲା ।

ଅନୁଗୋଳ: ଜିଲ୍ଲାର ହଣ୍ଡପା ବନାଞ୍ଚଳ ପ୍ରତାପପୁର ଗାଁରେ ହାତୀ ଆକ୍ରମଣରେ ଜଣଙ୍କ ମୃତ୍ୟୁ ହୋଇଛି । ମୃତକ ହେଲେ ବିଦ୍ୟାଧର ସାହୁ ।

ବିଦ୍ୟାଧର ସକାଳୁ ଛେଳି ଚରାଇବାକୁ ଜଙ୍ଗଲକୁ ଯାଇଥିଲେ। ମାତ୍ର ସନ୍ଧ୍ୟା ପର୍ଯ୍ୟନ୍ତ ସେ ଘରକୁ ନ ଫେରିବାରୁ ପରିବାର ଲୋକେ ଖୋଜାଖୋଜି କରିଥିଲେ । ଜଙ୍ଗଲ ଭିତରେ ତାଙ୍କର ଖଣ୍ଡ ବିଖଣ୍ଡ ଶରୀର ପାଇଥିଲେ । ଖବର ପାଇ ବନ ବିଭାଗ କର୍ମଚାରୀ ଓ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିଛନ୍ତି ।

ଗୋଟିଏ ମାସ ପୂର୍ବରୁ ସେହି ଗ୍ରାମର ଜଣେ ବୃଦ୍ଧାଙ୍କୁ ହାତୀ ଦଳି ଦେଇଥିଲା। ବାରମ୍ବାର ଜିଲ୍ଲାରେ ହାତୀଙ୍କ ଉତ୍ପାତ ବୃଦ୍ଧି ପାଉଥିବାବେଳେ ବନ ବିଭାଗ ହାତୀ ଘଉଡାଇବାକୁ କୌଣସି ପଦକ୍ଷେପ ନେଉନାହାନ୍ତି । ଯଦ୍ବାରା ବାରମ୍ବାର ଜୀବନହାନି ହେଉଥିବା ଗ୍ରାମବାସୀ ଅଭିଯୋଗ କରି ବିଦ୍ୟାଧରଙ୍କ ମୃତଦେହକୁ ଦୀର୍ଘ ସମୟ ଧରି ଅଟକ ରଖିଥିଲେ ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ