ଅନୁଗୋଳ: ମୃତଦେହ ପାଖ ମାଡିଲେନି ସମ୍ପର୍କୀୟ । କୋରୋନା ସଂକ୍ରମଣର ଆତଙ୍କ ଏପରି ସୃଷ୍ଟି ହୋଇଛି ଯେ, ଶେଷରେ ମୃତଦେହକୁ ସମ୍ପର୍କୀୟ ମଧ୍ୟ ଛୁଇଁଲେନି । ଏପରିକି ବିଭିନ୍ନ ସ୍ଥାନରେ ମୃତଦେହକୁ ରାସ୍ତାକଡ, ନଦୀକୂଳ ଆଦିରେ ଫିଙ୍ଗି ଦେଉଥିବା ଦେଖିବାକୁ ମିଳିଛି ।
ସେହିପରି ଅନୁଗୋଳ ଜିଲ୍ଲା ରେଙ୍ଗାଳି ଥାନା ଅନ୍ତର୍ଗତ ପୋଡାଗଡ ନିକଟରେ ଏକ ଅଜଣା ବୃଦ୍ଧଙ୍କ ମୃତଦେହ ଦୀର୍ଘ ସମୟ ଧରି ପଡି ରହିଥିଲା । ସରପଞ୍ଚ କି ପୋଲିସ ପ୍ରଶାସନ ଘଟଣାସ୍ଥଳରେ ନ ପହଞ୍ଚିବାରୁ ଶେଷରେ ବାଧ୍ୟହୋଇ ସ୍ଥାନୀୟ ଲୋକେ ବୃଦ୍ଧଙ୍କ ସତ୍କାର କରିଛନ୍ତି । ମୃତଦେହରେ ଭୂତାଣୁ ନଥାଏ ବୋଲି ବିଭିନ୍ନ ବିଶେଷଜ୍ଞ ଏବଂ ବଡ ବଡ ବୈଜ୍ଞାନିକ ବାରମ୍ବାର ସଚେତନ କରୁଥିଲେ ମଧ୍ୟ ଲୋକେ ମାନିବାକୁ କି ଶୁଣିବାକୁ ନାରାଜ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ