ଅନୁଗୋଳ :ହତ୍ୟାକାଣ୍ଡର 6 ଦିନ ପରେ ବି ଅଭିଯୁକ୍ତକୁ ଗିରଫ କରୁ ନାହିଁ ପୋଲିସ । ଯାହାର ପ୍ରତିବାଦ ଦେଖିବାକୁ ମିଳିଛି ଅନୁଗୋଳ ଜିଲାର ରେଙ୍ଗାଲି ଥାନା ଅଞ୍ଚଳରେ । ଜଣେ ମହିଳାଙ୍କ ମୃତ୍ୟୁ ପରେ ଅଭିଯୁକ୍ତକୁ ଗିରଫ ନ କରାଯିବାରୁ ଶତାଧିକ ମହିଳା କରିଛନ୍ତି ଥାନା ଘେରାଉ। ନ୍ୟାୟ ଦାବିରେ ରାଜରାସ୍ତାକୁ ଓହ୍ଲାଇଛନ୍ତି ମହିଳା ।
ହତ୍ୟା ଅଭିଯୁକ୍ତକୁ ଗିରଫ ପ୍ରତିବାଦରେ ଥାନା ଘେରାଉ
ସୂଚନା ଅନୁସାରେ, ରେଙ୍ଗାଲି ଥାନା ଖାଲପାଳ ଗାଁରେ ଜଣେ ମହିଳାଙ୍କୁ ହତ୍ୟା କରାଯାଇଥିଲା । ସେହି ଗାଁର ଅର୍ଜୁନ ସାହୁଙ୍କ ସ୍ତ୍ରୀ ସାବିତ୍ରୀ ସାହୁଙ୍କର ଗତ ୩୧ ତାରିଖରେ ନିଜ ଘରୁ ସନ୍ଦେହ ଜନକ ଅବସ୍ଥାରେ ମୃତଦେହ ଉଦ୍ଧାର ହୋଇଥିଲା। ସ୍ବାମୀ ଅର୍ଜୁନ ସାହୁ ତାଙ୍କ ସ୍ତ୍ରୀକୁ ହତ୍ୟା କରାଯାଇଥିବା ନେଇ ରେଙ୍ଗାଲି ଥାନାରେ ଏକ ଲିଖିତ ଅଭିଯୋଗ କରିଥିଲେ । ରେଙ୍ଗାଲି ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଥିଲା । ପାରିବାରିକ କଳହରୁ ହତ୍ୟାକାଣ୍ଡ ଘଟିଥିବା ପୋଲିସର ପ୍ରାଥମିକ ତଦନ୍ତରୁ ଜଣାପଡିଥିଲା ।