ଅନୁଗୋଳ: ଜିଲ୍ଲାର ଡଅଁରା, ଲକେଇପଶି, ବ୍ରାହ୍ମଣୀ ବାହାଳ ଏଵଂ ଆମ୍ବେଦକର ଆଦି ଗ୍ରାମର ମାଁ କଳାପାଟ ଶ୍ରମିକ ସଂଘ ପକ୍ଷରୁ ୫ ଦଫା ଦାବି ନେଇ ବିକ୍ଷୋଭ ପ୍ରଦର୍ଶନ ସହ ତାଳଚେର ଉପଜିଲ୍ଲାପାଳଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରାଯାଇଛି । ଶହଶହ ପାଲଭିଡା ଶ୍ରମିକ ତାଳଚେର ପୂର୍ତ୍ତବିଭାଗ ଡାକ ବଙ୍ଗଳା ଠାରୁ ଶୋଭାଯାତ୍ରାରେ ବାହାରି ଉପ-ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚି ସେଠାରେ ବିକ୍ଷୋଭ ପ୍ରଦର୍ଶନ କରିଥିଲେ । ଏହା ସହିତ 5 ଦଫା ସମ୍ବଳିତ ଦାବି ପତ୍ର ପ୍ରଦାନ କରି ତୁରନ୍ତ ପଦକ୍ଷେପ ନେବାକୁ ଅନୁରୋଧ କରିଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ଦାବି ଅନୁସାରେ ବଳରାମ କୋଲିୟରି ଦ୍ବାରା ମାସିକ ଯାହା କୋଇଲା ଡେଲିଭରି ଅର୍ଡର ଆସୁଛି ତାହାକୁ ସବୁ ଓଜନ କଣ୍ଟାରେ ସମାନ ଭାଗ କରି ଡି.ଓ ପ୍ରଦାନ କରିବା, ଖରାପ ହେଉଥିବା ଓଜନ କଣ୍ଟାକୁ ମରାମତି କରିବା, ୨ ଓ ୩ ନମ୍ବର ଷ୍ଟକରେ ଲୋଡିଂ ପାଇଁ ପର୍ଯ୍ୟାପ୍ତ କୋଇଲା ଗଛିତ ରଖିବା ଆଦି ରହିଛି l