ଅନୁଗୋଳ: କଥାରେ ଅଛି ରଖେ ହରି ତ ମାରେ କିଏ। ଯେଉଁଠି ଉପରଵାଲା ଉଦ୍ଧାର କରିବ ତାକୁ କିଏ ବା ମାରି ପାରିବ । ଆଜି ଏଭଳି ଏକ ଘଟଣା ଦେଖିବାକୁ ମିଳିଛି ଅନୁଗୋଳ ତାଳଚେରସ୍ଥିତ ଅନନ୍ତ କୋଇଲା ଖଣିରେ। କୋଇଲା ଭିତରେ ଚାପି ହୋଇ ରହିଥିବା ଶ୍ରମିକ ଜୀବିତ ଉଦ୍ଧାର ହୋଇଛି।
ନିଶ୍ଚିତ ମର୍ତ୍ୟୁ ମୁଖରୁ ବଞ୍ଚିଲେ ଶ୍ରମିକ
ଆଜି ଅନନ୍ତ କୋଇଲା ଖଣିରେ ରେଳ ଡବାରେ କୋଇଲା ବୋଝେଇ କରା ଯାଉଥିଲା। ସେତେବେଳେ ଜଣେ ଶ୍ରମିକ ଡବା ଭିତରେ ରହି ଯାଇଥିଲେ। ତାଙ୍କ ଉପରେ କୋଇଲା ପକାଇ ଦିଆ ଯାଉଥିଲା। ସେ ପ୍ରାଣ ବିକଳରେ ଚିତ୍କାର କରୁଥିଲେ ମଧ୍ୟ ନିଜେ ବାହାରିବା ପାଇଁ କୌଣସି ସୁଯୋଗ ନଥିଲା। ଫଳରେ ତାଙ୍କ ବେକ ପର୍ଯ୍ୟନ୍ତ କୋଇଲା ବୋଝେଇ କରା ଯାଇଥିଲା। କିନ୍ତୁ ତାଙ୍କ ଚିତ୍କାର ସେଠାରେ କାମ କରୁଥିବା ଆଉ କିଛି ଶ୍ରମିକ ଶୁଣି ପାରି ସେଠାକୁ ଦୌଡ଼ି ଯାଇ ଉଦ୍ଧାର କରିଥିଲେ। ଅଳ୍ପକେ ବର୍ତ୍ତିଗଲା ଏକ ବହୁ ମୂଲ୍ୟ ଜୀବନ । ଖବର ପାଇ ତୁରନ୍ତ ତାଳଚେର ବିଧାୟକ ବ୍ରଜକିଶୋର ପ୍ରଧାନ ଓ ଅନ୍ୟମାନେ ସେଠାରେ ପହଞ୍ଚି ଡାକ୍ତରଖାନା ଆଣିଥିଲେ ।