କାର୍ଗିଲ ବିଜୟ ଦିବସ: କାର୍ଗିଲ ହିରୋ ମାନସଙ୍କୁ ଶ୍ରଦ୍ଧାଞ୍ଜଳି ଦେଲେ ଅନୁଗୋଳବାସୀ

ଆଜି କାର୍ଗିଲ ବିଜୟ ଦିବସରେ କାର୍ଗିଲ ସହୀଦ ମାନସ ରଞ୍ଜନ ସାହୁଙ୍କ ବଳିଦାନକୁ ମନେ ପକାଇଲେ ଅନୁଗୋଳବାସୀ । ପାଳିତ ହେଲା ସହୀଦ ସ୍ମୃତି ସଭା। ଅଧିକ ପଢନ୍ତୁ...

ଅନୁଗୋଳ : ଆଜି କାର୍ଗିଲ ବିଜୟ ଦିବସ । ୧୯୯୯ କାର୍ଗିଲ ଯୁଦ୍ଧରେ ଦେଶ ପାଇଁ ପ୍ରାଣବଳି ଦେଇଥିଲେ ଅନୁଗୋଳର ପୁଅ ମାସନ ରଞ୍ଜନ ସାହୁ । ଆଜି କାର୍ଗିଲ ବିଜୟ ଦିବସରେ ସହୀଦ ମାନସଙ୍କ ବଳିଦାନକୁ ମନେ ପକାଇଛନ୍ତି ଅନୁଗୋଳବାସୀ।

ସହରର କଳାକେନ୍ଦ୍ର ଠାରେ କାର୍ଗିଲ ବିଜୟ ଦିବସ ପାଳିତ ହୋଇଛି । ସହୀଦ ସ୍ମୃତି ପରିଷଦ ପକ୍ଷରୁ ଏହି ଦିବସ ପାଳନ ହୋଇଛି । ଢେଙ୍କାନାଳ ସାଂସଦ ମହେଶ ସାହୁ ମୁଖ୍ୟ ଅତିଥି ଭାବେ କାର୍ଯ୍ୟକ୍ରମରେ ଯୋଗଦେଇ ସହୀଦ ମାସନଙ୍କ ଫଟୋରେ ପୁଷ୍ପମାଲ୍ୟ ଅର୍ପଣ କରିବା ସହ ପ୍ରଦୀପ ପ୍ରଜ୍ଵଳନ କରି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ।

ସହୀଦ ପାଇଁ ଅନୁଗୋଳ ମାଟି ଆଜି ଗର୍ବିତ । ସହୀଦଙ୍କ ବାଳିଦାନ ସମସ୍ତଙ୍କ ପାଇଁ ପ୍ରେରଣା । ସହୀଦଙ୍କ ସର୍ବୋଚ୍ଚ ତ୍ୟାଗକୁ ମନେ ପକାଇ ସମସ୍ତେ ଦେଶ ମାତୃକାର ସେବା ପାଇଁ କାର୍ଯ୍ୟ କରିବାକୁ ମୁଖ୍ୟ ଅତିଥି ପରାମର୍ଶ ଦେଇଥିଲେ । ଏହି ଅବସର ସହର ଅନେକ ଗଣ୍ୟମାନ୍ୟ ବ୍ୟକ୍ତି ଯୋଗ ଦେଇ ସହୀଦଙ୍କ ସ୍ମୃତି ଚାରଣ କରିଥିଲେ । ଅନୁଷ୍ଠାନ ପକ୍ଷରୁ ସେବା ପାଇଁ ବିଭିନ୍ନ ବ୍ୟକ୍ତି ବିଶେଷଙ୍କୁ ସମ୍ବର୍ଦ୍ଧିତ କରାଯାଇଥିଲା ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ