କେନାଲରେ ପଡିଗଲା ଦନ୍ତା, ଉଦ୍ଧାର ପାଇଁ ବନ ବିଭାଗର ପ୍ରୟାସ

ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଅନ୍ତର୍ଗତ ବଜଝରାରେ ଥିବା ରେଙ୍ଗାଳୀ କେନାଲରେ ପଡିଗଲା ହାତୀ । ଉଦ୍ଧାର ପାଇଁ ବନବିଭାଗର ପ୍ରୟାସ ।

ଅନୁଗୋଳ: ରାସ୍ତା ଅତିକ୍ରମ କଲାବେଳେ କେନାଲରେ ପଡିଗଲା ଦନ୍ତା । ଉଦ୍ଧାର ପାଇଁ ବନ ବିଭାଗର ପ୍ରୟାସ । ଏଭଳି ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଅନ୍ତର୍ଗତ ବଜଝରାରେ ଥିବା ରେଙ୍ଗାଳୀ ନଦୀରେ।

ଗଲା କିଛିଦିନ ହେବ ଲଘୁଚାପ ଜନିତ ବର୍ଷା ଯୋଗୁଁ ରାଜ୍ୟର ପ୍ରାୟ ସମସ୍ତ ନଦୀର ପାଣି ଭର୍ତ୍ତି ରହିଛି । ତେବେ ଢେଙ୍କାନାଳରେ ରେଙ୍ଗାଳୀ କେନାଲରେ ମଧ୍ୟ ଜଳସ୍ତର ବୃଦ୍ଧି ପାଇଛି । ଏହି କେନାଲ ପାଖରେ ଥିବା ରାସ୍ତା ଦେଇ ଗୋଟେ ଦନ୍ତା ହାତୀ ଯାଉଥିବାବେଳେ ଅଚାନକ ଖସିଗଲା । କେନାଲ ପାଣିରୁ ବାହାରିବା ପାଇଁ ହାତୀଟି ପହଁରୁଥିବା ଦେଖିବାକୁ ମିଳିଛି ।

ତେବେ ହାତୀଟି କେନାଲରୁ ବାରମ୍ବାର ବାହାରକୁ ବାହାରିବା ପାଇଁ ଉଦ୍ୟମ କରୁଥିବାବେଳେ ବିଫଳ ହେଉଛି । ତେବେ ଭୁଲ ବଶତଃ ହାତୀ ଟି କେନାଲ ଭିତରକୁ ପଶି ଯାଇଥିବା ଅନୁମାନ କରାଯାଉଛି । ବନବିଭାଗ କର୍ମଚାରୀ ଘଟଣା ସ୍ଥଳରେ ପହଞ୍ଚି ହାତୀ କୁ ଉଦ୍ଧାର କରିବା ପାଇଁ ଚେଷ୍ଟା ଚଳାଇଛନ୍ତି ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ