ଅନୁଗୋଳ: ଶିକ୍ଷା ବିଭାଗ ଅଧିକାରୀଙ୍କ ଅବହେଳା ଯୋଗୁଁ ଅନ୍ଧାର ହୋଇଛି 8ଜଣ ଛାତ୍ରଛାତ୍ରୀଙ୍କ ଭବିଷ୍ୟତ । ଅବହେଳାର ଶିକାର ହୋଇ ଜାତୀୟ ମେଧାବୃତ୍ତି ପରୀକ୍ଷା ଦେବାରୁ ବଞ୍ଚିତ ହୋଇଛନ୍ତି ଏହି ଛାତ୍ରଛାତ୍ରୀ । ଘଟଣାଟି ଦେଖିବାକୁ ମିଳିଛି କଣିହାଁ ବ୍ଲକ ଅନ୍ତର୍ଗତ ବଜ୍ରକୋଟ ଉଚ୍ଚ ପ୍ରାଥମିକ ବିଦ୍ୟାଳୟରେ । ରବିବାର ଜିଲ୍ଲାର 6ଟି କେନ୍ଦ୍ରରେ ଏହି ପରୀକ୍ଷା ଅନୁଷ୍ଠିତ ହୋଇଥିବାବେଳେ ପରୀକ୍ଷା ଦେବାରୁ ବଞ୍ଚିତ ହୋଇଛନ୍ତି ଏହି 8 ଛାତ୍ରଛାତ୍ରୀ ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ମୋଟ 2115 ଜଣ 8ମ ଓ 10ମ ଶ୍ରେଣୀର ଛାତ୍ରଛାତ୍ରୀ ଏହି ମେଧାବୃତ୍ତି ପରୀକ୍ଷା ଦେଇଥିଲେ । କିନ୍ତୁ ବଜ୍ରକୋଟ ଉଚ୍ଚ ପ୍ରାଥମିକ ବିଦ୍ୟାଳୟର ଏହି 8ଜଣ ଛାତ୍ରଛାତ୍ରୀ ପରୀକ୍ଷା ଦେବାକୁ କେନ୍ଦ୍ରକୁ ଆସି ସେମାନଙ୍କ ପ୍ରବେଶ ପତ୍ର ନଥିବା ଜାଣିବାକୁ ପାଇଥିଲେ । ଏହି ପରୀକ୍ଷା ଦେବାକୁ ଅନଲାଇନରେ ଫର୍ମ ଡାଉନଲୋଡ କରି ପିଲାମାନେ ସେହି ଫର୍ମ ପୂରଣ କରନ୍ତି। ଏହାପରେ ନିଜ ନିଜ ସ୍କୁଲ ଜରିଆରେ ସମ୍ପୃକ୍ତ ବ୍ଲକ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରେ ଦାଖଲ କରନ୍ତି।