୨୨ ଦଫା ଦାବିରେ ରାଷ୍ଟ୍ରୀୟ ମଜଦୁର କଂଗ୍ରେସର ପ୍ରତିବାଦ

22 ଦଫା ଦାବି ନେଇ ଦାବି ନେଇ ଅନୁଗୋଳ ଜିଲ୍ଲା ରାଷ୍ଟ୍ରୀୟ ମଜଦୁର କଂଗ୍ରେସର ଆନ୍ଦୋଳନ । ଅଧିକ ପଢନ୍ତୁ...

ଅନୁଗୋଳ: ଅନୁଗୋଳରେ ୨୨ ଦଫା ଦାବିରେ ଆନ୍ଦୋଳନକୁ ଓହ୍ଲାଇଛି ରାଷ୍ଟ୍ରୀୟ ଶ୍ରମିକ କଂଗ୍ରେସ । 22 ଦଫା ଦାବି ନେଇ ଦାବି ନେଇ ଅନୁଗୋଳ ଜିଲ୍ଲା ରାଷ୍ଟ୍ରୀୟ ମଜଦୁର କଂଗ୍ରେସ ପ୍ରତିବାଦ କରିଛି ।

ବହୁ ସଂଖ୍ୟାରେ ରାଷ୍ଟ୍ରୀୟ ମଜଦୁର କଂଗ୍ରେସକର୍ମୀ ଏକ ପ୍ରତିବାଦ ଶୋଭାଯାତ୍ରାରେ ଆସି କେନ୍ଦ୍ର ସରକାରଙ୍କ ଶ୍ରମ ଆଇନ ସଂଶୋଧନ ଓ ରାଷ୍ଟ୍ରାୟତ ଉଦ୍ୟୋଗରୁ ହେଉଥିବା ପୁଞ୍ଜି ପ୍ରତ୍ୟାହାରକୁ ବିରୋଧ କରିଛନ୍ତି ।

କୋଭିଡ ସମୟରେ ଶ୍ରମିକମାନେ ଅନେକ ଅସୁବିଧାରେ ସମୟ କାଟୁଛନ୍ତି । ଏଭଳି ସ୍ଥିତିରେ ସରକାର ଶ୍ରମିକଙ୍କ ପେଟର ଲାତ ମାରିବା ପାଇଁ ଯୋଜନା କରୁଥିବା ଅଭିଯୋଗ ଆଣି ସଂଗଠନ ବିରୋଧ କରିଛି ।

ଏନେଇ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଏକ ଦାବି ପତ୍ର ପ୍ରଦାନ କରାଯାଇଛି । ଏହା ଛଡା ବିଦ୍ୟୁତ ଶୁଳ୍କ ବୃଦ୍ଧିର ମଧ୍ୟ ବିରୋଧ କରିଛି କଂଗ୍ରେସର ଏହି ଶ୍ରମିକ ସଂଗଠନ ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ