ଅନୁଗୋଳ: ଢେଙ୍କାନାଳ ଜିଲ୍ଲା ଭୁବନ ବ୍ଲକ ନୂଆ ନୀଳକଣ୍ଠପୁର ପ୍ରାଥମିକ ବିଦ୍ୟାଳୟ ନିକଟରୁ ଦୁଇଟି ଟ୍ରକ ଚୋରା କ୍ରୋମାଇଟ ଟ୍ରକ ଜବତ କରିଛି ଭୁବନ ପୋଲିସ। ବିଶେଷ ସୂତ୍ରରୁ ଖବର ପାଇ ଭୁବନ ପୋଲିସ ଘଟଣାସ୍ଥଳରେ ଚଢାଉ କରିଥିଲା। ଚଢାଉ ସମୟରେ ଗୋଟିଏ ଟ୍ରକ ଅନଲୋଡ ହେଉଥିବା ବେଳେ ଅନ୍ୟଟି ସେଠାରେ ଅନଲୋଡ ପାଇଁ ଠିଆ ହୋଇ ରହିଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ତେବେ ପୋଲିସକୁ ଦେଖି ଡ୍ରାଇଭର ଓ ଲେବର ଘଟଣାସ୍ଥଳରୁ ଫେରାର ହୋଇଯାଇଥିଲେ। ସୂଚନା ଅନୁଯାୟୀ ମଙ୍ଗଳବାର ସୁକିନ୍ଦା ଖଣି ଅଞ୍ଚଳରୁ 3ଟି କ୍ରୋମାଇଟ ବୋଝେଇ ଟ୍ରକ ଅନନ୍ତପୁର ଛକ ଦେଇ ଏକତାଳୀ ପଞ୍ଚାୟତ ନୂଆ ନିଳକଣ୍ଠପୁର ପ୍ରାଥମିକ ବିଦ୍ୟାଳୟ ନିକଟରେ ପହଞ୍ଚିଥିଲା । ସେଠାରେ ଥିବା ଜଙ୍ଗଲରେ ଟ୍ରକଟି ଅନଲୋଡ କରୁଥିବା ବେଳେ ଭୁବନ ପୋଲିସ ଘଟଣାସ୍ଥଳରେ ପହଞ୍ଚି ଚଢାଉ କରିଥିଲା ।