ଅନୁଗୋଳ: ଡ୍ୟୁଟି କରୁଥିବା ବେଳେ ଚାଲିଗଲା ହୋମଗାର୍ଡଙ୍କ ଜୀବନ । ଅନୁଗୋଳ ହୋମଗାର୍ଡ ଅଫିସରେ ଘଟିଛି ଏହି ଅଭାବନୀୟ ଘଟଣା । ରାତି ଡ୍ୟୁଟି କରୁଥିବା ହୋମଗାର୍ଡଙ୍କ ଆଜି(ରବିବାର) ସକାଳୁ ମୃତ୍ୟୁ ହୋଇଛି । ମୃତକ ଜଣକ ହେଉଛନ୍ତି 55 ବର୍ଷୀୟ ଶ୍ରୀବତ୍ସ ସାହୁ ।
ସୂଚନାଯୋଗ୍ୟ, ଅନୁଗୋଳ ଶରଧାପୁର ଗାଁରେ ମୃତ ଶ୍ରୀବତ୍ସଙ୍କ ଘର । ସେ ପ୍ରତ୍ୟେକ ଦିନ ହୋମଗାର୍ଡ ଅଫିସ ପାଖ କ୍ୟାଣ୍ଟିନରେ ଡ୍ୟୁଟି କରନ୍ତି । ସବୁଦିନ ପରି ଗତକାଲି(ଶନିବାର) ରାତିରେ ମଧ୍ୟ ସେ ଡ୍ୟୁଟି କରୁଥିଲେ । ଆଜି(ରବିବାର) ସକାଳୁ ଶୋଇଥିବା ଅବସ୍ଥାରେ ତାଙ୍କୁ ଉଦ୍ଧାର କରାଯାଇ ମୁଖ୍ୟ ଚିକିତ୍ସାଳୟକୁ ଅଣାଯାଇଥିବାବେଳେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି । ତେବେ କିଭଳି ତାଙ୍କର ମୃତ୍ୟୁ ହେଲା, ସେନେଇ ସନ୍ଦେହ ସୃଷ୍ଟି ହୋଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ