ଅନୁଗୋଳ: ଗାଁ ସାଥୀଙ୍କୁ ମିଳୁନି ସେମାନଙ୍କ ଉଚିତ ପ୍ରାପ୍ୟ । ନିଜ ଅଧିକାରରୁ ବଞ୍ଚିତ ହେଉଛନ୍ତି ଏମାନେ । ଏପରି କିଛି ଅଭିଯୋଗ ଆଣି ଜିଲାପାଳଙ୍କ ଅଫିସ ସମ୍ମୁଖରେ ଗାଁସାଥୀଙ୍କ ଧାରଣା । ଏପରି କିଛି ଘଟଣା ଦେଖିବାକୁ ମିଳିଛି ଅନୁଗୋଳରେ । ଗାଁ ସାଥୀମାନେ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ନାରାବାଜୀ କରିବା ସହ ଏକ ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ କରିଛନ୍ତି ।
ଗାଁ ସାଥୀଙ୍କୁ ଅଣଦେଖା ଅଭିଯୋଗ, ଜିଲ୍ଲାପାଳଙ୍କୁ ଦାବିପତ୍ର ଦେଲା ସଂଘ ଅଭିଯୋଗ ଅନୁସାରେ, ସେମାନଙ୍କୁ ନିଯୁକ୍ତି ସମୟରେ ଦିଆଯାଇଥିବା ପ୍ରତିଶ୍ରୁତିକୁ ପ୍ରଶାସନ ଭୁଲିଯାଇଛି । 2008 ମସିହାରେ ସେମାନଙ୍କୁ ନିଯୁକ୍ତି ମିଳିଥିଲେ ମଧ୍ୟ ମନରେଗାରେ ଯାହା କାମ ମିଳିବା କଥା ତାଙ୍କୁ ଯୋଗାଇ ଦିଆଯାଉନାହିଁ । ଏହା ବ୍ୟତୀତ ବ୍ଲକମାନଙ୍କରେ ଗାଁ ସାଥୀଙ୍କ ବିରୁଦ୍ଧରେ ବିଭିନ୍ନ ପ୍ରକାର ଷଡ଼ଯନ୍ତ୍ର କରାଯାଉଥିବା ମଧ୍ୟ ଏମାନେ ଅଭିଯୋଗ କରିଛନ୍ତି । ଏନେଇ ଜିଲ୍ଲାପାଳଙ୍କୁ 5 ଦଫା ସମ୍ବଳିତ ଏକ ଦାବିପତ୍ର ସଂଘ ପକ୍ଷରୁ ପ୍ରଦାନ କରାଯାଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
