ବିଜେପିର ଗାନ୍ଧୀ ସଂକଳ୍ପ ପଦଯାତ୍ରା, ଯୋଗଦେଲେ କେନ୍ଦ୍ରମନ୍ତ୍ରୀ

ଅନୁଗୋଳରେ ବିଜେପି ପକ୍ଷରୁ ଆୟୋଜିତ ହୋଇଯାଇଛି ଗାନ୍ଧୀ ସଂକଳ୍ପ ପଦଯାତ୍ରା । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କାର୍ଯ୍ୟକ୍ରମରେ ଯୋଗଦେଇ ପଦଯାତ୍ରାକୁ ଶୁଭାରମ୍ଭ କରିଛନ୍ତି ।

ଅନୁଗୋଳ: ମହାତ୍ମା ଗାନ୍ଧୀଙ୍କ 150ତମ ଜନ୍ମ ବାର୍ଷିକୀ ଅବସରରେ ବିଜେପିର ଗାନ୍ଧୀ ସଂକଳ୍ପ ପଦଯାତ୍ରା । କେନ୍ଦ୍ର ପେଟ୍ରୋଲିୟମ ଓ ଇସ୍ପାତ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କାର୍ଯ୍ୟକ୍ରମରେ ଯୋଗଦେଇ ପଦଯାତ୍ରା କରିଛନ୍ତି ।

ନିଜ ଦଳର ନେତା ଓ ସମର୍ଥକଙ୍କ ଗହଣରେ ଧର୍ମେନ୍ଦ୍ର ଏହି ପଦ ଯାତ୍ରା କରୁଛନ୍ତି । ଅନୁଗୋଳ ନିର୍ବାଚନ ମଣ୍ଡଳୀର ବନ୍ତଳା ଧୋକୁଟା ଶିବ ମନ୍ଦିର ଠାରୁ ଆରମ୍ଭ ହୋଇଛି ଏହି ପଦ ଯାତ୍ରା । ମନ୍ତ୍ରୀ ପ୍ରଥମେ ଧୋକୁଟା ଶିବ ମନ୍ଦିରରେ ପୂଜାର୍ଚ୍ଚନା କରିଥିଲେ ।

ବାଦ୍ୟ, ସଂକୀର୍ତ୍ତନ, ଦଣ୍ଡନୃତ୍ୟ ମଧ୍ୟ ମାଧ୍ୟମରେ ପଦଯାତ୍ରା ଜାରି ରହିଛି । ଏହି ପଦଯାତ୍ରା ପୋକଟୁଙ୍ଗା ଗାଁ ଦେଇ ସଂଖପୁର ଠାରେ ପହଞ୍ଚିବ। ହଜାର ହଜାର ସଂଖ୍ୟାରେ ଦଳୀୟ କର୍ମୀ କାର୍ଯ୍ୟକ୍ରମରେ ସାମିଲ ହୋଇଛନ୍ତି । ସେହିପରି ବିଜେପି ନେତା ତଥା ପୂର୍ବତନ ସାଂସଦ ରୁଦ୍ର ନାରାୟଣ ପାଣି ମଧ୍ୟ ପଦଯାତ୍ରାରେ ସାମିଲ ହୋଇଛନ୍ତି ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ