ରାସ୍ତା କଡରେ ହୁତୁହୁତୁ ହୋଇ ଜଳିଗଲା ଗାଡି

ଅନୁଗୋଳରେ ହୁତୁହୁତୁ ହୋଇ ଜଳିଗଲା ଟାଟା ମ୍ୟାଜିକ । ରାସ୍ତା କଡରେ ଗାଡିଟି ଛିଡା ହୋଇଥିବାବେଳେ ହଠାତ ଗାଡି ପୋଡି ପାଉଁଶ ହୋଇଯାଇଛି। ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଅଧିକ ପଢନ୍ତୁ

ଅନୁଗୋଳ:ଟାଟା ଷ୍ଟିଲ ଆଗରେ ଜଳିଗଲା ଟାଟା ମ୍ୟାଜିକ । ରାସ୍ତା କଡରେ ଗାଡିଟି ଛିଡା ହୋଇଥିବାବେଳେ ହଠାତ ତାହା ପୋଡି ପାଉଁଶ ହୋଇଯାଇଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ତେବେ ଅଗ୍ନିକାଣ୍ଡର ପ୍ରକୃତ କାରଣ ଜଣାପଡିନାହିଁ । ଅନୁଗୋଳ ଜିଲ୍ଲା ସୀମାନ୍ତ ବର୍ତ୍ତି ମେରାମଣ୍ଡଳୀଟାଟା ଷ୍ଟିଲ ଆଗରେ ଜଳିଗଲା ପାର୍ଶ୍ଵରେ ଠିଆ ହୋଇଥିବା ଯାତ୍ରୀବାହୀ ଟାଟା ଏସି ଅଟୋରେ ନିଆଁ ଲାଗି ପୋଡି ପାଉଁଶ ହୋଇଯାଇଛି ।

ମିଳିଥିବା ଖବର ଅନୁସାରେ ନୂଆହତା ତାଳବାହାଳ ଗାଁର ଗୋପାଳ ନାଏକ ନିଜ ଓଆର ୧୯ ପି ୬୩୬୧ ନମ୍ବର୍ ଅଟୋକୁ ନେଇ ଟାଟା ଷ୍ଟିଲ କାରଖାନା ନିକଟରେ ରଖି ପାଖରେ ଥିବା ଏକ ଦୋକାନରେ ଠିଆ ହୋଇଥିଲେ। ଅଚାନକ଼ ଅଟୋର ସମ୍ମୁଖ ଭାଗରେ ଧୂଆଁ ବାହାରିବା ସହ ଗାଡିଟି ହୁତୁହୁତୁ ହୋଇ ଜଳି ଉଠିଥିଲା। ଏହା ଦେଖି ସଙ୍ଗେ ସଙ୍ଗେ ସ୍ଥାନୀୟ ଲୋକେ ଟାଟା ଷ୍ଟିଲ କାରଖାନାକୁ ଫୋନ କରି ଜଣାଇବା ଦ୍ଵାରା ଘଟଣାସ୍ଥଳରେ ଟାଟା ଷ୍ଟିଲ ଦମକଳବାହିନୀ ପହଞ୍ଚି ଅଗ୍ନିକାଣ୍ଡକୁ ନିୟନ୍ତ୍ରଣ କରିଥିବା ସୂଚନା ମିଳିଛି। ଏଥିରେ କୌଣସି ଜୀବନହାନି ହୋଇନଥିବା ଜଣାପଡିଛି ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ