ପିକଅପ ଭ୍ୟାନରେ ଲାଗିଲା ନିଆଁ, ଅଳ୍ପକେ ଭର୍ତ୍ତିଲେ ଡ୍ରାଇଭର

ଅନୁଗୋଳରେ ନିଶ୍ଚିତ ମୃତ୍ୟୁ ମୁଖରୁ ବଞ୍ଚିଲେ ପିକଅପ ଭ୍ୟାନ ଡ୍ରାଇଭର । ଗାଡିରେ ନିଆଁ ଲାଗିଯିବା ହେତୁ ଉପସ୍ଥିତ ବୁଦ୍ଧି ଖଟାଇ ଗାଡିରୁ ଡେଇଁପଡିଥିଲେ ଡ୍ରାଇଭର ଓ ତାଙ୍କ ସହଯୋଗୀ ।

ଅନୁଗୋଳ: ଚଳନ୍ତା ପିକଅପ ଭ୍ୟାନରେ ଲାଗିଲା ନିଆଁ । ଅଳ୍ପକେ ବର୍ତ୍ତିଲେ ଗାଡି ଡ୍ରାଇଭର । ଏଭଳି ଏକ ଅଘଟଣ ଘଟିଛି ଅନୁଗୋଳରେ ।

ସୂଚନାନୁଯାୟୀ, ଅନୁଗୋଳ ସହରରୁ ଦୋକାନ ସାମଗ୍ରୀ ନେଇ ତାଳଚେର ପାଳଗଡ଼ ଆଡ଼କୁ ଯାଉଥିବାବେଳେ ହଠାତ ଆମ୍ବପାଳ ନିକଟରେ ହଠାତ ଏକ ପିକଅପ ଭ୍ୟାନର ଇଞ୍ଜିନରେ ନିଆଁ ଲାଗିଯାଇଥିଲା । ଏହା ଦେଖି ଗାଡିର ଡ୍ରାଇଭର ଓ ଗାଡ଼ିରେ ଥିବା ଅନ୍ୟଜଣେ ବ୍ୟକ୍ତି ଗାଡି ରଖି ଡେଇଁ ନିଜ ଜୀବନ ବଞ୍ଚାଇଥିଲେ ।

ଘଟଣାରେ ଉଭୟ ଅଳ୍ପକେ ବର୍ତ୍ତି ଯାଇଥିବାବେଳେ ଗାଡିଟି କିନ୍ତୁ ସମ୍ପୂର୍ଣ୍ଣ ଜଳି ନଷ୍ଟ ହୋଇଯାଇଥିବା ଜଣାପଡିଛି । ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ