ଏକାସାଙ୍ଗେ ଜଳିଲା ବାପା-ପୁଅଙ୍କ ଜୁଇ, ପୋଖରୀରେ ବୁଡି ହେଲା ମୃତ୍ୟୁ

ପୋଖରୀରେ ବୁଡ଼ି ଏକାସାଙ୍ଗେ ଚାଲିଗଲା ବାପପୁଅଙ୍କ ଜୀବନ । ଅନୁଗୋଳ ଜିଲ୍ଲା ବଅଁରପାଳ ଥାନା କଇଁଛ ବାହାଳଗାଁରେ ଘିଟିଛି ଏଭଳି ଏକ ଅଭାନୀୟ ଘଟଣା । ଅଧିକ ପଢ଼ନ୍ତୁ...

ଅନୁଗୋଳ: ପୋଖରୀରେ ବୁଡ଼ି ଏକାସାଙ୍ଗେ ଚାଲିଗଲା ବାପପୁଅଙ୍କ ଜୀବନ । ଅନୁଗୋଳ ଜିଲ୍ଲା ବଅଁରପାଳ ଥାନା କଇଁଛ ବାହାଳଗାଁରେ ଘିଟିଛି ଏଭଳି ଏକ ଅଭାନୀୟ ଘଟଣା । ମୃତ ବାପାପୁଅ ଦୁହେଁ ହେଲେ କ୍ଷୀରୋଦ ଜେନା ଓ ତାଙ୍କ ୪ ବର୍ଷର ପୁଅ ଚନ୍ଦନ। ଶୁକ୍ରବାର ଦିନ ପ୍ରାୟ 12ଟା ବେଳେ ବାପପୁଅ ଦୁହେଁ ଗାଧୋଇବା ପାଇଁ ଗାଁ ପୋଖରୀକୁ ଯାଇଥିଲେ। ତେବେ ଫେରିବାରେ ବିଳମ୍ବ ହେବାରୁ ଗାଁ ଲୋକେ ଖୋଜାଖୋଜି ଆରମ୍ଭ କରିଥିଲେ।

ବହୁ ସମୟ ଧରି ଉଭୟଙ୍କ ସନ୍ଧାନ ନମିଳିବାରୁ ଗାଁ ଲୋକେ ଦମକଳ ବାହିନୀକୁ ଖବର ଦେଥିଲେ । ଖବର ପାଇ ଗାଁରେ ଦମକଳ ବାହିନୀ ପହଞ୍ଚି ପୋଖରୀରୁ ବାପାପୁଅଙ୍କୁ ଉଦ୍ଧାର କରି ଜିଲା ମୁଖ୍ୟ ଚିକିତ୍ସାଳୟ ନେଇଥିଲା । ତେବେ ସେଠାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ । ଏଭଳି ଏକ ଘଟଣାକୁ ନେଇ ମୃତକଙ୍କ ପରିବାର ସହ ସାରା ଗାଁରେ ଶୋକର ଛାୟା ଖେଳି ଯାଇଛି ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ