ଜଙ୍ଗଲରୁ ହାତୀର ଗଳିତ ମୃତଦେହ ଠାବ: ଏକ ମାସେ ତଳେ ମୃତ୍ୟୁ ହୋଇଥିବା ଅନୁମାନ

ଢେଙ୍କାନାଳ ଜିଲ୍ଲା କଙ୍କଡାହାଡ଼ ବ୍ଲକ ମହାବିରୋଡ଼ ରେଞ୍ଜ କୁଟୁରିଆ ଗାଁ ପାଖ ଜଙ୍ଗଲରୁ ଶନିବାର ଏକ ହାତୀର ଗଳିତ ମୃତଦେହ ଠାବ କରାଯାଇଛି ।

ଅନୁଗୋଳ: ଜଙ୍ଗଲରୁ ହାତୀର ଗଳିତ ମୃତଦେହ ଠାବ । ଢେଙ୍କାନାଳ ଜିଲ୍ଲା କଙ୍କଡାହାଡ଼ ବ୍ଲକ ମହାବିରୋଡ଼ ରେଞ୍ଜ କୁଟୁରିଆ ଗାଁ ପାଖ ଜଙ୍ଗଲରୁ ଶନିବାର ଏକ ହାତୀର ଗଳିତ ମୃତଦେହ ଠାବ କରାଯାଇଛି ।

ସୂଚନା ଅନୁଯାୟୀ, ହାତୀଟିକୁ ଆନୁମାନିକ ୨୦ ବର୍ଷ ହେବ । ତେବେ ହାତୀଟିର ପ୍ରାୟ ଏକ ମାସ ହେବ ମୃତ୍ୟୁ ହୋଇଥିବା ଅନୁମାନ କରାଯାଇପାରେ ବୋଲି ପଶୁ ଚିକିତ୍ସା ଅଧିକାରୀ ସତ୍ୟ ବିକ୍ରମ ତରାଇ ସୂଚନା ଦେଇଛନ୍ତି ।

ତେବେ ହାତୀଟି ମାଈ ନାଁ ଅଣ୍ଡିରା ଜଣାପଡ଼ି ନ ଥିବାବେଳେ ଏତେଦିନ ଧରି ହାତୀଟିର ମୃତ୍ୟୁ ଘଟିଥିବା ବନବିଭାଗ କିଭଳି ଜାଣି ପାରିଲା ନାହିଁ ବୋଲି ସନ୍ଦେହ ସୃଷ୍ଟି ହୋଇଛି ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ