ସାତକୋଶିଆରୁ ହାତୀର ମୃତଦେହ ଉଦ୍ଧାର

ଅନୁଗୋଳର ସାତକୋଶିଆ ଅଭୟାରଣ୍ୟରୁ ଆସିଛି ହାତୀ ମୃତ୍ୟୁ ଖବର । ଜିଲ୍ଲାର ସାତକୋଶିଆ ଅଭୟାରଣ୍ୟ ପମ୍ପାସର ରେଞ୍ଜ ବଡଖେତା ଗାଁ ନିକଟ କୁରୁ ରିଜର୍ଭ ଜଙ୍ଗଲରୁ ଉଦ୍ଧାର ହୋଇଛି ଗୋଟିଏ ମାଈ ହାତୀର ଗଳିତ ମୃତଦେହ ।

ଅନୁଗୋଳ: ଜିଲ୍ଲାର ସାତକୋଶିଆ ଅଭୟାରଣ୍ୟରୁ ଆସିଛି ହାତୀ ମୃତ୍ୟୁ ଖବର । ଜିଲ୍ଲାର ସାତକୋଶିଆ ଅଭୟାରଣ୍ୟ ପମ୍ପାସର ରେଞ୍ଜ ବଡଖେତା ଗାଁ ନିକଟ କୁରୁ ରିଜର୍ଭ ଜଙ୍ଗଲରୁ ଉଦ୍ଧାର ହୋଇଛି ଗୋଟିଏ ମାଈ ହାତୀର ଗଳିତ ମୃତଦେହ । ତେବେ ହାତୀଟି ସପ୍ତାହେ ତଳେ ମରିଥିବା ଅନୁମାନ କରିଛି ବନ ବିଭାଗ ।

ଏନେଇ ଖବର ପାଇବା ପରେ ସାତକୋଶିଆ ଅଧିକାରୀ ଘଟଣାସ୍ଥଳରେ ପହଞ୍ଚି ହାତୀ ମୃତ୍ୟୁର କାରଣ ଖୋଜିଥିଲେ । ହାତୀଟିର ବୟସ 10 ବର୍ଷ ହୋଇଥିବା ବେଳେ ପ୍ରାୟ ସପ୍ତାହେ ତଳେ ରେଞ୍ଜର 5 ନମ୍ବର କମ୍ପାର୍ଟମେଣ୍ଟ ଅଞ୍ଚଳରେ ହାତୀର ମୃତ୍ୟୁ ହୋଇଥିବା ସନ୍ଦେହ କରାଯାଉଛି। ଅନ୍ୟପଟେ ସଂକ୍ରମଣ ଯୋଗୁଁ ହାତୀର ମୃତ୍ୟୁ ହୋଇଥିବା ପ୍ରାଥମିକ ତଦନ୍ତରୁ ଜଣାପଡିଛି।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ