ଅନୁଗୋଳ:ପୋଷ୍ଟ ଅଫିସରେ କାମ କରୁନାହିଁ ଇଣ୍ଟରନେଟ ସେବା । ଯେଉଁଠି ନେଟୱାର୍କ ଆସୁଛି ସେହି ସ୍ଥାନରେ ଲୋକଙ୍କୁ ଡାକସେବା ଯୋଗାଇ ଦିଆଯାଉଛି । ଅଫିସରେ ଇଣ୍ଟରନେଟ କାମ କରୁନଥିବାରୁ ଗଛମୂଳେ ଡାକସେବା ଯୋଗାଇ ଆସୁଛନ୍ତି ମହିଳା ଡାକ କର୍ମଚାରୀ । ଏପରି ଦୃଶ୍ୟ ଦେଖିବାକୁ ମିଳିଛି ଅନୁଗୋଳ ଜିଲ୍ଲା ସାତକୋଶିଆ ଅଭୟାରଣ୍ୟର ଟିକରପଡା ଅଞ୍ଚଳରେ ।
ଅଫିସରେ ନାହିଁ ଇଣ୍ଟରନେଟ ସୁବିଧା, ଗଛ ମୂଳେ ଚାଲିଛି ଡାକସେବା
ଗଛମୂଳେ ବସିଛନ୍ତି ସରକାରୀ ଡାକ ଅଧିକାରୀ । ମହାନଦୀ ପଠାରେ ଡାକସେବା ଯୋଗାଉଛନ୍ତି ଡାକ ଅଧିକାରୀ । ସାତକୋଶିଆବାସୀଙ୍କ ସାହାରା ପାଲଟିଛନ୍ତି ମହିଳା ସରକାରୀ କର୍ମଚାରୀ ପଦ୍ମିନୀ ଜେନା । ଗାଁରେ ବ୍ୟାଙ୍କିଙ୍ଗ ସେବା ସହିତ ବିଭିନ୍ନ ଡାକ ସମ୍ବନ୍ଧୀୟ ସେବା ଯୋଗାଇ ଦେଉଛନ୍ତି ପୋଷ୍ଟ ମାଷ୍ଟର ଦିଦି । ଗତ ୨ ବର୍ଷ ତଳେ ଟିକରପଡାରେ ପୋଷ୍ଟ ମାଷ୍ଟର ଭାବେ ପୋଷ୍ଟିଂ ପାଇଥିଲେ ସତ କିନ୍ତୁ ନେଟୱାର୍କ ନଥିବାରୁ ବହୁ ଅସୁବିଧାର ସମ୍ମୁଖୀନ ହେବାକୁ ପଡିଥିଲା । ଶେଷରେ ପୋଷ୍ଟମାଷ୍ଟର ଗଛମୂଳେ ଲୋକଙ୍କ ନିକଟରେ ସରକାରୀ ସେବା ଯୋଗାଇ ଆସୁଛନ୍ତି ।