କଲବଲ କରୁଛି ଘନ କୁହୁଡ଼ି, ପ୍ରଭାବିତ ଜୀବନ ଯାତ୍ରା

ଆଜି ଲଗାତାର ଦ୍ଵିତୀୟ ଦିନରେ ଜିଲ୍ଲାରେ ଘନ କୁହୁଡିର ଆସ୍ତରଣ ଦେଖିବାକୁ ମିଳିଛି । ବଡି ଭୋରରୁ କୁହୁଡି ଆରମ୍ଭ ହୋଇଯାଇଛି। ଯାହା ପାଇଁ ଲୋକେ ବହୁ ମାତ୍ରାରେ ପ୍ରଭାବିତ ହୋଇଛନ୍ତି । ଅଧିକ ପଢନ୍ତୁ...

ଅନୁଗୋଳ: କୁହୁଡି ଯୋଗୁଁ ପ୍ରଭାବିତ ହୋଇଛନ୍ତି ଅନୁଗୋଳ ଜିଲ୍ଲାବାସୀ । ଆଜି ଲଗାତାର ଦ୍ଵିତୀୟ ଦିନରେ ଜିଲ୍ଲାରେ ଘନ କୁହୁଡିର ଆସ୍ତରଣ ଦେଖିବାକୁ ମିଳିଛି । ବଡି ଭୋରରୁ କୁହୁଡି ଆରମ୍ଭ ହୋଇଯାଇଛି। ଯାହା ପାଇଁ ଲୋକେ ବହୁ ମାତ୍ରାରେ ପ୍ରଭାବିତ ହୋଇଛନ୍ତି । ଗାଡି ମୋଟର ଚଳାଚଳ ବ୍ୟାହତ ହୋଇଛି। ନିହାତି କାମ ଥିବା ଲୋକେ ଘରୁ ବାହାରିଥିବା ବେଳେ କୁହୁଡି ଯୋଗୁଁ ସେମାନଙ୍କ କାମଧନ୍ଦା ବ୍ୟାହତ ହୋଇଛି ।

କୁହୁଡିର ଘନତା ଅଧିକ ଥିବାରୁ 10 ମିଟର ଦୂରକୁ କିଛି ଦୃଶ୍ୟମାନ ହେଉନାହିଁ । ଯେଉଁଥି ପାଇଁ ଯାନବାହନ ଚଳାଚଳ ବ୍ୟାହତ ହୋଇଛି। କୁହୁଡି ଯୋଗୁ ଦୁର୍ଘଟଣା ହେବାର ଭୟ ମଧ୍ୟ ରହିଛି । ପାଣିପାଗ ବିଭାଗର ପୂର୍ବାନୁମାନ ଅନୁଯାୟୀ ଆହୁରି ଦୁଇ ଦିନ କୁହୁଡି ହେବାର ସମ୍ଭାବନା ରହିଛି । ଯାହା ପାଇଁ ଚାଷୀ ମାନେ ପ୍ରଭାବିତ ହେବାର ଆଶଙ୍କା ରହିଛି ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ