ଅନୁଗୋଳ: କେନାଲରୁ ଉଦ୍ଧାର ହେଲା ଯୁବକଙ୍କ ଗଳିତ ମୃତଦେହ । ଅନୁଗୋଳ ଜିଲ୍ଲା ତାଳଚେର ବାଇପାସ ନିକଟସ୍ଥ ରେଙ୍ଗାଲି ଦକ୍ଷିଣ ପାର୍ଶ୍ବ କେନାଲରେ ଏହି ମୃତଦେହ ଉଦ୍ଧାର ହୋଇଛି । ତେବେ ଯୁବକ ଜଣକ କିପରି କେନାଲରେ ଖସିପଡ଼ିଲେ ତାର କାରଣ ଏପର୍ଯ୍ୟନ୍ତ ଅସ୍ପଷ୍ଟ ରହିଛି ।
ସୂଚନା ମୁତାବକ, କିଛି ସ୍ଥାନୀୟ ଲୋକ କେନାଲ ପାଣିରେ ମୃତଦେହ ଭାସୁଥିବା ଦେଖି ତାଳଚେର ପୋଲିସ ଓ ଅଗ୍ନିଶମ ବିଭାଗକୁ ଖବର ଦେଇଥିଲେ । ଅଗ୍ନିଶମ ବିଭାଗ କିଛି ସ୍ଥାନୀୟ ଯୁବକଙ୍କ ସାହାଯ୍ୟରେ ମୃତଦେହ ଉଦ୍ଧାର କରିଥିଲା । ମୃତକ ଜଣକ ଯାଜପୁର ଜିଲ୍ଲାର ସର୍ବେଶ୍ବର ସ୍ବାଇଁ ବୋଲି ଜଣାପଡିଛି । ସର୍ବେଶ୍ବର ତାଳଚେରରେ ରହି କାମ କରୁଥିଲେ l ତେବେ ସଦର ପୋଲିସ ମୃତଦେହକୁ ବ୍ୟବଛେଦ ପାଇଁ ଉପଖଣ୍ଡ ଡାକ୍ତରଖାନାକୁ ପଠାଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ