କୋଇଲା ଟ୍ରେନରୁ ଗଳିତ ମୃତଦେହ ଉଦ୍ଧାର

ମୃତ ଯୁବକ ଜଣଙ୍କ ଲୁଙ୍ଗି ଓ ଗଞ୍ଜି ପିନ୍ଧିଥିବା ଦେଖି ଖଣି କର୍ମଚାରୀ ହୋଇନଥିବା ସନ୍ଦେହ କରାଯାଉଛି । ତେବେ କୋଇଲା ଚୋରି କରିବା ସମୟରେ ଅଘଟଣ ଘଟିଥିବା ପୋଲିସ ସନ୍ଦେହ କରିଛି । ଅଧିକ ପଢନ୍ତୁ...

ଅନୁଗୋଳ: ନାଲକୋ ସିପିପି ପ୍ଲାଣ୍ଟକୁ ଆସିଥିବା ଏକ କୋଇଲା ବୋଝେଇ ଟ୍ରେନରୁ ଉଦ୍ଧାର ହୋଇଛି ଗଳିତ ମୃତଦେହ । ପ୍ଲାଣ୍ଟକୁ ତାଳଚେର ଭରତପୁର କୋଇଲା ଖଣିରୁ କୋଇଲା ଲୋଡିଙ୍ଗ ହୋଇ ଆସିଥିଲା ଟ୍ରେନ । ତେବେ ଏଥିରୁ ଏହି ମୃତଦେହ ଉଦ୍ଧାର ହୋଇଛି ।

ସୂଚନାଯୋଗ୍ୟ ଯେ କୋଇଲା ବୋଝେଇ ଟ୍ରେନ ଡବାରୁ କୋଇଲା ଅନଲୋଡିଙ୍ଗ ହେବା ସମୟରେ ଏକ ମୃତଦେହକୁ କାମ କରୁଥିବା ଶ୍ରମିକମାନେ ଦେଖିଥିଲେ । ଏହାପରେ ପୋଲିସକୁ ଖବର ଦିଆଯାଇଥିଲା । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହକୁ ଜବତ କରିଥିଲା ।

ମୃତ ଯୁବକ ଜଣଙ୍କ ଲୁଙ୍ଗି ଓ ଗଞ୍ଜି ପିନ୍ଧିଥିବା ଦେଖି ଖଣି କର୍ମଚାରୀ ହୋଇନଥିବା ସନ୍ଦେହ କରାଯାଉଛି । ତେବେ କୋଇଲା ଚୋରି କରିବା ସମୟରେ ଅଘଟଣ ଘଟିଥିବା ପୋଲିସ ସନ୍ଦେହ କରିଛି । ଅନୁଧ୍ୟାନ ପରେ ମୃତଦେହଟି ତାଳଚେର ବଡ ଜୋରଡା ଗାଁ ଲକ୍ଷ୍ମୀଧର ସାହୁଙ୍କର ବୋଲି ଜଣାପଡିଛି । ତେବେ କେଉଁ ପରିସ୍ଥିତିରେ ତାଙ୍କ ମୃତଦେହ କୋଇଲା ଟ୍ରେନରେ ଆସିଲା ତାହା ସ୍ପଷ୍ଟ ହୋଇନାହିଁ ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ