ଅନୁଗୋଳ: ସାରା ରାଜ୍ୟରେ କୋଭିଡ କଟକଣା କଡାକଡି ଥିବାବେଳେ ଶିଳ୍ପ ନଗରୀ ଅନୁଗୋଳରେ କିନ୍ତୁ ଢିଲା। ସବୁଠି ଦେବାଳୟକୁ ତିନିଦିନ ପାଇଁ ବନ୍ଦ କରିବାକୁ ଗାଇଡଲାଇନ ଜାରି କରାଯାଇଥିବା ବେଳେ ଅନୁଗୋଳରେ ସେଥିରେ ବ୍ୟତିକ୍ରମ ଦେଖିବାକୁ ମିଳିଛି।
ଆଜି(ଶନିବାର) ଶୈଳ ଶ୍ରୀକ୍ଷେତ୍ର ଜଗନ୍ନାଥ ମନ୍ଦିର ଖୋଲା ରହି ଥିବାରୁ ଏଠାରେ ନାହିଁ ନଥିବା ଭିଡ଼ ଦେଖିବାକୁ ମିଳିଛି। ସବୁ ସ୍ଥାନରେ କୋଭିଡ ସଂକ୍ରମଣ ଭୟରେ ଦେବାଳୟଗୁଡିକ ବନ୍ଦ ରହିଥିବା ବେଳେ ଶୈଳ ଶ୍ରୀକ୍ଷେତ୍ର କିନ୍ତୁ ଖୋଲା ରହିଛି । ତେଣୁ ନୂଆ ବର୍ଷ ପାଳନ ପାଇଁ ଲୋକଙ୍କର ଏଠାରେ ଭିଡ଼ ଜମିଛି। ମନ୍ଦିର ପ୍ରଶାସନ ନା ପୋଲିସ, କେହି ବି ଏଥିପ୍ରତି ନିଘା ରଖି ନାହାନ୍ତି। ଫଳରେ ଲୋକେ ବିନା ମାକ୍ସରେ ଦର୍ଶନ କରୁଥିବା ଦେଖିବାକୁ ମିଳିଛି ।
ଅନୁଗୋଳରେ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
