ଅନୁଗୋଳ: ଜିଲ୍ଲାରେ କମିବା ଆରମ୍ଭ କରିଛି କୋରନାର ପ୍ରକୋପ । ରବିବାର ଅନୁଗୋଳରୁ ୫୩ ଜଣ ନୂଆ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଏହାକୁ ମିଶାଇ ଜିଲ୍ଲାର ଆକ୍ରାନ୍ତଙ୍କ ସଂଖ୍ୟା ୧୦୧୪୯ରେ ପହଞ୍ଚିଛି । ସେହିପରି ଅନ୍ୟ ଜିଲ୍ଲାରୁ ଅନୁଗୋଳରେ ସ୍ଵାବ ନମୁନା ଦେଇଥିବା ବ୍ୟକ୍ତିମାନଙ୍କ ମଧ୍ୟରୁ ଜଣେ ଆକ୍ରାନ୍ତ ଚିହ୍ନଟ ହୋଇ ସମୁଦାୟ ଆକ୍ରାନ୍ତଙ୍କ ସଂଖ୍ୟା ୧୬୬ରେ ପହଞ୍ଚିଛି ।
ଅନୁଗୋଳରେ କମୁଛି କୋରୋନା ପ୍ରକୋପ, ଏବେ ଦୁଇ ଅଙ୍କରେ ସୀମିତ ଆକ୍ରାନ୍ତ ସଂଖ୍ୟା
ଅନୁଗୋଳରେ କମୁଛି କୋରୋନା ପ୍ରକୋପ, ଏବେ ଦୁଇ ଅଙ୍କରେ ସୀମିତ ଆକ୍ରାନ୍ତ ସଂଖ୍ୟା
23:47 November 15
ଅନୁଗୋଳରେ କମୁଛି କୋରୋନା ପ୍ରକୋପ, ଏବେ ଦୁଇ ଅଙ୍କରେ ସୀମିତ ଆକ୍ରାନ୍ତ ସଂଖ୍ୟା
ଜିଲ୍ଲା ଭିତରୁ ଚିହ୍ନଟ ହୋଇଥିବା ଆକ୍ରାନ୍ତମାନଙ୍କ ମଧ୍ୟରେ ପାଲଲହଡା ବ୍ଳକରୁ ୧୧ ଜଣ ଅନୁଗୋଳ ପୌରାଞ୍ଚଳରୁ ୧୦ ଜଣ, ବଅଁରପାଳ ବ୍ଳକରୁ ୯ ଜଣ, ଛେଣ୍ଡିପଦାରୁ ୬ ଜଣ, ତାଳଚେର ବ୍ଲକରୁ ୫ ଜଣ, ତାଳଚେର ପୌରାଞ୍ଚଳରୁ ୫ ଜଣ, କଣିହାଁ ବ୍ଳକରୁ ୪ ଜଣ, କିଶୋରନଗରରୁ ଜଣେ ଓ ଅନୁଗୋଳ ବ୍ଲକରୁ ଜଣେ ଲେଖାଏଁ ପଜିଟିଭ ରହିଛନ୍ତି ।
ସମସ୍ତେ ଅନ୍ୟ ଆକ୍ରାନ୍ତଙ୍କ ସଂସ୍ପର୍ଶରେ ଆସି ପଜିଟିଭ ହୋଇଥିବାର ଜଣାପଡିଛି । ସମସ୍ତ ଲକ୍ଷଣଯୁକ୍ତ ଆକ୍ରାନ୍ତ ମାନଙ୍କୁ କୋଭିଡ ହସ୍ପିଟାଲକୁ ଚିକିତ୍ସା ନିମନ୍ତେ ସ୍ଥାନାନ୍ତର କରାଯାଉଥିବା ବେଳେ ସ୍ବଳ୍ପ ଲକ୍ଷଣଯୁକ୍ତ ଓ ଲକ୍ଷଣ ବିହୀନ ଆକ୍ରାନ୍ତମାନଙ୍କୁ ନିଜ ଘରେ ଆଇସୋଲେସନରେ ରଖାଯାଇ ନିରୀକ୍ଷଣ କରାଯାଉଛି ବୋଲି ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ବାଇଁ ପ୍ରକାଶ କରିଛନ୍ତି । ରବିବାର ଜିଲ୍ଲାରୁ ୯୦ ଜଣ ସୁସ୍ଥ ହୋଇଛନ୍ତି । ସେମାନଙ୍କ ମଧ୍ୟରେ ୧୭ ଜଣ କୋଭିଡ ହସ୍ପିଟାଲରୁ ଓ ୭୩ ଜଣ ହୋମ ଆଇସୋଲେସନରୁ ସୁସ୍ଥ ହୋଇଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ