ଅନୁଗୋଳ: ସମସ୍ତଙ୍କର ହେବ ପକ୍କା ଘର । ଆଉ ଏଥିପାଇଁ କେନ୍ଦ୍ର ସରକାର ଗରିବ ଲୋକଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନାରେ ଅର୍ଥ ଦେଉଛନ୍ତି । ଘର ପାଇଁ ଆବଶ୍ୟକୀୟ ଅର୍ଥ ତିନୋଟି କିସ୍ତିରେ ହିତାଧିକାରୀଙ୍କ ବ୍ୟାଙ୍କ ଖାତାକୁ ଆସୁଛି । ହେଲେ ଅନୁଗୋଳ ବ୍ଲକ ମାଟିଆସାହି ପଞ୍ଚାୟତର ବରଡ଼ସାହି ଗାଁରେ ଏହି ଅର୍ଥ ଠିକାଦାରଙ୍କ ଦ୍ବାରା ହରିଲୁଟ ହୋଇଥିବାର ଅଭିଯୋଗ ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ପୁରା ଗାଁରେ ପ୍ରାୟ ୩୦ଟି ପରିବାରକୁ ପ୍ରଧାନମନ୍ତ୍ରୀ ଆବାସ ଯୋଜନାରେ ଘର ମିଳିଛି । ଅନୁଦାନ ଲକ୍ଷେ କୋଡ଼ିଏ ହଜାର ଟଙ୍କା । ତେବେ ଘର ତିଆରିରେ ଅସମର୍ଥତା ପ୍ରକାଶ କରି ଠିକାଦାର ହାତରେ ବ୍ୟାଙ୍କ ଖାତାକୁ ଟେକିଦେଇଛନ୍ତି ଏମାନେ । ବର୍ତ୍ତମାନର ଚିତ୍ର କିଛି ଏହିଭଳି । ଇଟାରେ ତିଆରି ହୋଇଛି କାନ୍ଥ । ଛାତ ପଡ଼ିବ ବୋଲି ବନ୍ଧା ହୋଇଛି ବାଉଁସ ଭାବା । ବାହାରେ ପଡ଼ି ପଡ଼ି ଖତରା ହେଲାଣି ଲୁହା ଛଡ଼ । ହେଲେ ଘର ତିଆରି ଲାଗି ଦାୟିତ୍ବ ନେଇଥିବା ଠିକାଦାର ଟଙ୍କା ଧରି ଫେରାର ।