ଅନୁଗୋଳ: ଜିଲ୍ଲାର ଆଠମଲ୍ଲିକ ନିର୍ବାଚନ ମଣ୍ଡଳୀ ପାଇଁ ବିଜେଡି ପ୍ରାର୍ଥୀ ରମେଶ ସାଏ ନାମାଙ୍କନ ପତ୍ର ଦାଖଲ କରିଛନ୍ତି । ସେ ସମର୍ଥକଙ୍କ ସହ ଆସି ଆଜି(ବୁଧବାର) ଆଠମଲ୍ଲିକ ରିଟର୍ନିଙ୍ଗ ଅଫିସରଙ୍କ ନିକଟରେ ନିଜର ନାମାଙ୍କନ ଭରିଛନ୍ତି । ଏଠାକାର ୨୦ ବର୍ଷର ବିଧାୟକ ସଂଜୀବ ସାହୁଙ୍କ ଟିକେଟ କାଟି ଦଳ ତାଙ୍କୁ ପ୍ରାର୍ଥୀ କରିଛି ।
ଭିଡିଓ ସୌଜନ୍ୟ :ସମ୍ବାଦଦାତା, ଅନୁଗୋଳ
ସେହିପରି କଂଗ୍ରେସ ପ୍ରାର୍ଥୀ ବିଜୟାନନ୍ଦ ଚାଉଳିଆ ମଧ୍ୟ ଆଜି ନିଜର ନାମାଙ୍କନ ପତ୍ର ଦାଖଲ କରିଛନ୍ତି । ସେହିପରି ଜିଲ୍ଲା ବିଜେପି ସଭାପତି ଓ ଆଠମଲ୍ଲିକ ବିଜେପି ପ୍ରାର୍ଥୀ ଭାଗିରଥି ପ୍ରଧାନ ମଧ୍ୟ ଆଜି ନିଜ ନାମାଙ୍କନ ପତ୍ର ଦାଖଲ କରିଛନ୍ତି । ନାମାଙ୍କନ ଦାଖଲ ପରେ ସବୁ ନେତା ଅଞ୍ଚଳର ବିକାଶ ପାଇଁ ଲଢେଇ କରିବେ ବୋଲି କହିଛନ୍ତି ।