ଦୁର୍ବ୍ୟବହାର କରିଥିବା କଣ୍ଡକ୍ଟରକୁ ଉଠବସ କରାଇଲେ ମହିଳା

ଦୁର୍ବ୍ୟବହାର କରିଥିବା ବସ କଣ୍ଡକ୍ଟରଙ୍କୁ ସର୍ବସମ୍ମୁଖରେ ବସ ଉଠ କରାଇଲେ ମହିଳା । ଅଧିକ ପଢ଼ନ୍ତୁ...

ଅନୁଗୋଳ: ମହିଳାଙ୍କୁ ଦୁର୍ବ୍ୟବହାର କରିବା ବସ କଣ୍ଡକ୍ଟରଙ୍କୁ ମହଙ୍ଗା ପଡିଲା । ସର୍ବ ସମ୍ମୁଖରେ ଉଠ ବସ କରାଇଲେ ମହିଳା । ଏଭଳି ଘଟଣା ଘଟିଛି ଅନୁଗୋଳ ଜିଲ୍ଲା ଆଠମଲ୍ଲିକ ମହାତ୍ମା ଗାନ୍ଧୀ ବସଷ୍ଟାଣ୍ଡରେ ।

ମହିଳା ଯାତ୍ରୀଙ୍କୁ ଚଳନ୍ତା ବସରେ ଦୁର୍ବ୍ୟବହାର କରିଥିଲା ଶ୍ରୀରାମ ବସ କଣ୍ଡକ୍ଟର ଫକିର ମୋହନ ପଣ୍ଡା । ବସଟି ଅନୁଗୋଳରୁ ଆଠମଲ୍ଲିକ ଆସୁଥିବା ବେଳେ ବସ କଣ୍ଡକ୍ଟର ମହିଳାଙ୍କୁ ବସ ଭିତରେ ଦୁର୍ବ୍ୟବହାର କରିଥିଲେ । ଏହି ଘଟଣାକୁ ନେଇ ଠାକୁରଗଡ଼ ଥାନା ନିକଟରେ ଗାଡି କିଛି ସମୟ ଅଟକିଥିଲା ।

ମହିଳା ଜଣକ ସେଠାରେ ସାହାସ କରି ପାରିନଥିଲେ କଣ୍ଡକ୍ଟରକୁ କିଛି କହିବା ପାଇଁ । ତେବେ ଆଠମଲ୍ଲିକ ବସ ଷ୍ଟାଣ୍ଡରେ ପହଞ୍ଚିବା ପରେ ଉକ୍ତ କଣ୍ଡକ୍ଟରକୁ ମହିଳା ଜଣକ ବସ ଉଠ କରାଇଥିଲେ । ଆଠମଲ୍ଲିକ ବସଷ୍ଟାଣ୍ଡରେ କଣ୍ଡକ୍ଟର ଜଣକ ବସ ଉଠ ହୋଇଥିବା ଭିଡିଓଟି ଏବେ ଭାଇରାଲ ହେବାରେ ଲାଗିଛି ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ